İnfrastruktur

Ana səhifə

İnfrastruktur

«SW Travel» aviaşirkəti Azərbaycan turistlərini İtaliyada Milad endirimlərinə dəvət edir

06 yanvar 2012 12:36 (UTC +04:00)

Bakı. Əli Əhmədov – APA-Economics. Azərbaycanın «Silk Way Travel» (SW Travel) aviaşirkəti İtaliyanın Roma və dəb paytaxtı sayılan Milan şəhərlərinə səyahəti nəzərdə tutan «Həm ziyarət - Həm ticarət» proqramına başlayıb. Yanvarın 5-dən start verilən proqram çərçivəsində müştərilər Roma və Milanın ən dəbdəbəli satış mərkəzlərində Milad endirimlərindən yararlana bilərlər.

Şirkətdən «APA-Economics»ə verilən məlumata görə, «Via dei Condotti»də «Louis Vitton», «Yves St. Laurent», «Prada», «Valentino», «Giorgio Armani», «Burberry», «Hermes», «Gimmi Choo», «Trussardi», «Brioni», «Testoni», «Salvatore Ferragamo», «Mont Blanc», «Christian Dior», «Gucci», «Celine», «Alberta Ferretti», «Max Mara» və digər butiklərdən alış-veriş aparmaq mümkündür.

Bununla yanaşı, «Via del Babuino»da «Iceberg», «Baldinini», «Emporio Armani», «Miu Miu», «Missoni Sport», «Valentino Sport», «imberland»; «Piazza di Spagna»da «Moncler», «Sergio Rossi», «Ermanno Scervino», «Escada»; «Via Borgogna»da isə «Marina Rinaldi», «Laura Biagiotti», «Dolce & Gabbana», «Fendi», «Ermenegildo Zegna», «Gianfranco Ferre» və digər brendlərin mağazaları da aksiyada iştirak edir.

«Winter shopping in Milan» proqramı çərçivəsində isə müştərilər Milanın modalar evi və butiklərində «Dolce&Gabbana», «Prada», «Giorgio Armani», «Versace», «Valentino», «Ermenegildo», «Zegna», «Berluti», «Brioni», «Bulgari», «Sergio Rossi», «Salvatore Ferragamo», «Roberto Cavalli», «Max Mara», «La Perla», «Christian Dior», «Louis Vuitton», «Nina Ricci», «Hugo Boss», «Escada», «Kenzo»kimi brendlərlə tanış ola biləcəklər.

Milad endirimləri zamanı müştərilər Roma və Milanın satış mərkəzlərində yeni, 2012-ci ilin kolleksiyalarına daxil olan ən dəbdəbəli malları 70-80% endirimlə əldə edə bilər. Milad satışları zamanı əksər mağazalar iş saatlarını artırıb.

Fevralın 24-dək davam edəcək proqram çərçivəsində bir nəfərin Romada 5 ulduzlu oteldə, iki nəfərlik otaqda yerləşməsi 275 avrodan başlayan qiymətlərə başa gəlir. Qiymətə 3 gecəlik otel və səhər yeməyi daxildir. Aviabilet, viza və transfer xərcləri əlavə ödənilir.

Milana turun qiyməti isə bir nəfər üçün (iki nəfərlik otaqda) 681 avrodan başlayır. Bura «AZAL» aviaşirkəti ilə Bakı-Milan-Bakı istiqamətində birbaşa uçuş, müştərinin seçdiyi oteldə səhər yeməyi və gecələmə daxildir. Səfər zamanı transferlər, viza və tibbi sığorta xərcləri əlavə ödənilir.