İnfrastruktur

Ana səhifə

İnfrastruktur

İnternetdə azadlıq səviyyəsinə görə beynəlxalq reytinq tərtib olunub

25 sentyabr 2012 08:51 (UTC +04:00)

Bakı. Nicat Mustafayev – APA-Economics. «Freedom House» qeyri-kommersiya təşkilatı internetdə azadlıq səviyyəsinə görə reytinq tərtib edib.

«APA-Economics»in məlumatına görə, reytinqdə ilk üçlükdə Estoniya, ABŞ və Almaniya yer alıb. Belə ki, reytinqin lideri Estoniya hazırda texnoloji cəhətdən ən inkişaf etmiş ölkələr sırasında yerləşir. «Freedom House»un əməkdaşları tərəfindən hazırlanmış məruzədə qeyd olunub ki, Estoniyada əhaliyə müxtəlif elektron xidmətlər, məsələn, «elektron hökumət» əlçatandır və son 20 il ərzində istifadəçilərin sayı kəskin artıb. Həmçinin, bu ölkədə internet şəbəkəsində söz azadlığı pozulmur, şəxsi informasiyanın mühafizəsi sahəsində ciddi qanunlar qəbul edilib.

Məruzə müəlliflərinin fikrincə, reytinqdə ikinci yerdə qərarlaşmış ABŞ-da informasiya azadlığı pozulmur, hər hansı filtr yoxdur. Eyni zamanda, uşaq pornoqrafiyası qanunla ciddi qadağan edilib, şəxsi informasiyanın dərc edilməsi ilə bağlı qaydalar var və müəllif hüquqları qorunur.

Almaniyada isə telekommunikasiya texnologiyaları yüksək səviyyədədir, mobil internetə çıxış imkanları inkişaf edib. Eyni zamanda, Almaniya son illər ərzində ziyanverici məzmunu bloklayır, polis və xüsusi xidmət orqanlarının nəzarəti güclənib.

İlk onluqda həmçinin Avstraliya, Macarıstan, İtaliya, Filippin, Böyük Britaniya, Argentina və CAR yer alıb. Rusiya reytinqdə 30-cu yerdə qərarlaşıb. Rusiyanı Keniya (13-cü yer), Nigeriya (15-ci yer) və Uqanda (13-cü yer) kimi ölkələr geridə qoyub. Ukrayna siyahıda 12-ci, Belarus isə 37-ci yerdə qərarlaşıb.

Ən pis vəziyyət isə Özbəkistan, Suriya, Çin, Kuba və İranda qeydə alınıb. Belə ki, İranda ölkə əhalisinin yalnız 15-39%-i internetə çıxış imkanına malikdir.