"Kim informasiyaya sahibdirsə, o, dünyaya sahibdir. Bu baxımdan dünya ölkələri idarə etdiyi informasiyanın qorunmasında xüsusilə maraqlıdır".
"APA-Economics" xəbər verir ki, bunu Xüsusi Rabitə və İnformasiya Təhlükəsizliyi Dövlət Xidməti rəisinin müavini general-mayor Allahverən İsmayılov "Dövlət qurumlarının İT rəhbərlərinin I Zirvə toplantısı"nda çıxışı zamanı bildirib.
"Hal-hazırda dünyada gedən ictimai-siyasi proseslər, Ukraynada baş verən müharibə, bu yaxınlarda İranda Azərbaycan səfirliyində baş verən terror hadisələri və digər bu kimi hadisələrlə əlaqədar informasiya təhlükəsizliyinə diqqət, informasiya təhlükəsizliyinin təmin olunması, kiberhücumlar, kibertəhdidlərdən müdafiə sahəsində xüsusilə ciddi tədbirlər görülməlidir", - Allahverən İsmayılov vurğulayıb.
XRİTDX-nın rəis müavini Allahverən İsmayılov tədbirdən öncə Türkiyədə dünən baş vermiş zəlzələ nəticəsində dünyasını dəyişmiş minlərlə insanın xatirəsini bir dəqiqəlik sükutla yad edilməsini xahiş edib.
Qeyd edək ki, "Dövlət qurumlarının İT rəhbərlərinin : Zirvə toplantısı"nda 73 dövlət qurumu iştirak edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
