Bakı. Aqşin Rafiqoğlu – APA-Economics. “Azərkosmos” ASC Əfqanıstanın Payvastun Media Kommunikasiya (APMC) şirkəti ilə Batur TV-nin “Azərspace-1” üzərindən açıq yayımı və ilə bağlı müqavilə imzalayıb.
“Azərkosmos”dan “APA-Economics”ə verilən məlumata görə, Batur TV milli peykimiz üzərindən yayımlanacaq ilk əfqan telekanalıdır.
İmzalama zamanı APMC-nin prezidenti Masud Ameri “Azərkosmos” komandasının müqaviləyə hazırlıq mərhələsində göstərdiyi həvəs və peşəkarlığı yüksək qiymətləndirib.
APMC şirkəti “Azərkosmos”la əməkdaşlığa ilk dəfə bu il Əfqanıstanda keçirilən prezident seçkiləri zamanı qısamüddətli tutum istifadəsi xidmətində istifadə etməklə başlayıb. “Azərkosmos”un göstərdiyi xidmətdən razı qalan şirkət daha uzunmüddətli müqavilə imzalamaq qərarına gəlib.
M. Ameri “Azərkosmos”la digər Əfqanıstan telekanallarının da “Azərspace-1” peyki üzərindən yayımlanması və Azərbaycan və Əfqanıstan arasında peyk kommunikasiya sahəsində əməkdaşlığın genişləndirilməsinin perspektivlərini müzakirə edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
