Bakı. Aynur Əliyeva - APA-Economics. Azərbaycanda dəmir yolu nəqliyyat sisteminin 2010-2014-cü illərdə inkişafına dair Dövlət Proqramının icrası çərçivəsində «Bakı-Sərnişin» stansiyasında təmir işlərinə başlanılıb. Bu barədə «APA-Economics»ə «Azərbaycan Dəmir Yolları» QSC-nin Mətbuat Katibliyinin rəisi Nadir Əzməmmədov məlumat verib.
Onun sözlərinə görə, yolun Bakı-Sərnişin» stansiyasından Biləcəri qəsəbəsinə qədər olan hissəsi təmir olunacaq. Burada 740 metrədək yol təzələnəcək, 7 yol isə yenisi ilə əvəz olunacaq.
N.Əzməmmədov bildirib ki, Azərbaycanda dəmir yolu nəqliyyat sisteminin 2010-2014-cü illərdə inkişafına dair Dövlət Proqramının icrası çərçivəsində Bakı-Böyük Kəsik dəmir yolunun əsaslı təmir işlərinə 2011-ci il iyunun 10-da Tatlı-Ağstafa sahəsinin 97-ci kilometrində start verilib. Bu günə kimi 251,2 km yol əsaslı təmir olunub, bunun da 178 km-nin 800 metrlik uzun ölçülü relslərlə (pletlərlə) əvəzlənməsi başa çatdırılıb.
«Azərbaycan Dəmir Yolları» QSC-nin İnfrastruktur Departamenti tərəfindən Bakı-Böyük Kəsik istiqamətində əsaslı təmir olunması nəzərdə tutulan kilometrlərin təmir ardıcıllığı siyahısı hazırlanıb və işlər bu ardıcıllığa uyğun həyata keçirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
