Bakı. Nicat Mustafayev – APA-Economics. «Azərbaycan Hava Yolları» QSC (AZAL) Bakı-Tbilisi-Bakı marşrutu üzrə uçan sərnişinlər üçün yeni kampaniya start verib.
AZAL-dan «APA-Economics»ə verilən məlumata görə, aviaşirkət «Bakı-Tbilisi (və ya Tbilisi-Bakı) istiqamətində 2 bilet al və 3-cü bileti pulsuz əldə et!» aksiyasını elan edib. Bu aksiya cari ilin oktyabrın 26-dək qüvvədədir.
Hazırda Bakı-Tbilisi marşrutu üzrə bir aviabiletin minimal qiyməti 145 manatdır. Bakı-Tbilisi-Bakı marşrutu üzrə isə biletin minimal qiyməti 221 manat təşkil edir. İki bilet alan sərnişinlər 3-cü bilet qazanır və 3-cü aviabilet üçün yalnız vergilər və rüsumlar – yəni 83 manat ödənilir.
Qeyd edək ki, AZAL Bakı-Tbilisi-Bakı aviareysi üzrə uçuşları hər gün yerinə yetirir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
