2017-ci ildə Gürcüstanın hava məkanından ən çox istifadə etmiş aviaşirkətlər arasında “Azərbaycan Hava Yolları” QSC (AZAL) 2-ci yeri tutub.
APA-nın yerli bürosu Gürcüstanın İqtisadiyyat və Davamlı İnkişaf Nazirliyinin nəzdində “Sakaeronavigatsia” MMC-yə istinadla xəbər verir ki, ötən il AZAL Gürcüstanın hava məkanından 7 371 dəfə keçib. Bu göstərici 2016-cı illə müqayisədə 6% çoxdur.
Gürcüstanın hava məkanından ötən il ən çox istifadə etmiş aviaşirkət “Türk Hava Yolları”dır (THY). THY 22 542 dəfə qonşu ölkənin hava məkanından istifadə edib. THY və AZAL-la yanaşı, ilk üçlükdə “Qatar Airways” şirkəti (5 464 dəfə) də yer alıb.
2017-ci ildə Gürcüstanın hava məkanında uçuşların sayı 2016-cı illə müqayisədə 13% artaraq 142 026 təşkil edib.
Qeyd edək ki, ötən il AZAL Gürcüstana 87 044 sərnişin daşıyıb. Bu göstərici 2016-cı illə müqayisədə 23 368 sərnişin və ya 36,6% çoxdur. Şirkətin Gürcüstanın aviasiya bazarındakı payı 2% təşkil edir.
Ötən ilin sentyabrın 1-dən etibarən Bakıdan Gürcüstanın paytaxtı Tbilisiyə uçuşlar AZAL-ın nəzdində yaradılmış “Buta Airways” aşağı büdcəli aviaşirkət tərəfindən həyata keçirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
