28-29 sentyabr tarixlərində Beynəlxalq Dəniz Təşkilatının London şəhərində yerləşən baş qərargahında Beynəlxalq Dəniz Təşkilatının dəniz səfirləri üçün təşkil olunmuş görüşü keçirilib.
Azərbaycan Respublikası Dövlət Dəniz Administrasiyasından (ARDDA) "APA-Economics"ə verilən məlumata görə, görüşdə Beynəlxalq Dəniz Təşkilatı tərəfindən Beynəlxalq Dəniz Təşkilatının dəniz səfiri təyin olunan ARDDA-nın nümayəndəsi də iştirak edib.
Dəniz səfirlərini salamlayan Beynəlxalq Dəniz Təşkilatının baş katibi Kitak Lim ARDDA-nın hüquq, kadr və beynəlxalq əlaqələr şöbəsinin müdiri Fərhad Məmmədovu Beynəlxalq Dəniz Təşkilatı tərəfindən Beynəlxalq Dəniz Təşkilatının dəniz səfiri təyin olunması münasibətilə təbrik edib. Dəniz səfiri təyin olunan ARDDA-nın nümayəndəsinə işlərində uğurlar diləyən K. Lim bildirib ki, Beynəlxalq Dəniz Təşkilatının fəaliyyəti barədə dəniz səfirlərinin öz ölkələrini geniş məlumatla təmin etməsi və dəniz səfirləri arasında dəniz nəqliyyatının inkişafı sahəsində həyata keçirilən məlumat mübadiləsi bu sahənin tərəqqisinə öz töhfəsini verəcək.
Beynəlxalq Dəniz Təşkilatının baş katibi vurğulayıb ki, təşkilatın dəniz səfiri təyin olunan ARDDA-nın nümayəndəsi - qarşılıqlı münasibətlərin inkişafı, Beynəlxalq Dəniz Təşkilatının fəaliyyəti ilə bağlı Azərbaycanda geniş məlumatın verilməsi və dəniz nəqliyyatı sahəsində Azərbaycanda əldə edilən uğurlar və görülən işlər barədə məlumat mübadiləsinin aparılması işində öz gücünü səfərbər edərək müsbət nəticələr əldə edilməsinə nail olacaq. Daha sonra K. Lim Beynəlxalq Dəniz Təşkilatının dəniz səfiri təyin olunan ARDDA-nın nümayəndəsini dəniz səfiri döş nişanı ilə təltif edib.
Göstərilən etimada görə təşəkkürünü bildirən Beynəlxalq Dəniz Təşkilatının dəniz səfiri təyin olunan ARDDA-nın nümayəndəsi bildirib ki, 1995-ci ildən Azərbaycanın üzv olduğu BMT-nin nüfuzlu orqanı olan təşkilatla daha sıx və səmərəli fəaliyyətin reallaşdırılması, Azərbaycanda dəniz nəqliyyatı sahəsində görülən işlər, eyni zamanda qarşılıqlı əməkdaşlıq istiqamətində əlindən gələni əsirgəməyəcək və bunun üçün bütün səylərini səfərbər edəcək.
Beynəlxalq Dəniz Təşkilatının dəniz səfiri təyin olunan ARDDA-nın nümayəndəsi, Azərbaycan prezidenti İlham Əliyevin bütün sahələrə olduğu kimi dənizçilik sahəsinə və dənizçilərə göstərdiyi diqqət və qayğının nəticəsində əldə edilən uğurlardan danışaraq vurğuladı ki, Azərbaycanın nüfuzu beynəlxalq aləmdə il ildən artır və bu da dövlət başçısı tərəfindən həyata keçirilən uzaqgörən, müdrik siyasətin nəticəsidir. Azərbaycanın Beynəlxalq Dəniz Təşkilatının qabaqcıl üzvü olaraq tanınması da Azərbaycan Prezidentinin xarici siyasətinin uğurudur.
Görüşdə bildirilib ki, Beynəlxalq Dəniz Təşkilatının Audit Ekspert Qrupunun bu ilin 28 may - 6 iyun tarixlərində ARDDA-da keçirdikləri yoxlamanın nəticələrinə görə respublikamızın 172 dünya dəniz dövləti sırasında ən qabaqcılları geridə qoyaraq statistika üzrə ön sırada yer tutması, beynəlxalq əlaqələrin inkişafı istiqamətində dövlət başçısı tərəfindən qarşıya qoyulan tələbin müvəffəqiyyətlə yerinə yetirilməsi eyni zamanda Azərbaycan prezidentinin dənizçilərə göstərdiyi diqqət və qayğının uğurlu nəticəsidir.
Bir sıra mühüm məqamlara toxunan ARDDA-nın nümayəndəsi Azərbaycanda donanmanın yeniləndiyini, "Heydər Əliyev" qazma qurğusunun, "Xankəndi" sualtı tikinti gəmisinin Bakı Gəmiqayırma Zavodu tərəfindən inşa edilərək istismara verilməsini görüş iştirakçılarının diqqətinə çatdırıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
