“Gürcüstan tranzit potensialını inkişaf etdirmək və “İpək yolu”nun vacib komponentinə çevrilmək üçün bir sıra infrastruktur layihələr həyata keçirəcək”.
APA-nın yerli bürosunun məlumatına əsasən, bu barədə Gürcüstan baş nazirinin birinci müavini, iqtisadiyyat və davamlı inkişaf naziri Dmitri Kumsişvili parlamentdə keçirilən dinləmələrdə deyib.
Nazir bildirib ki, ölkədə yol infrastrukturunun bərpasına 8 milyard laridən çox vəsait xərclənəcək: “Biz infrastruktur layihələrin həyata keçirilməsini sürətləndirmək və yüksək iqtisadi artımı təmin etməyi planlaşdırırıq. 2017-2020-ci illərdə 19 milyard laridən çox dəyəri olan infrastuktur layihələrin həyata keçirilməsini planlaşdırmışıq”.
D.Kumsişvili deyib ki, 2017-2021-ci illərdə infrastruktur layihələrə ümumilikdə 15 milyard laridən çox vəsait xərclənəcək: “Bu layihələrə Şərb-Qərb magistral yolunun tikintisi, Şimal-Cənub dəhlizinin tikinti və bərpası, turizm, energetika və digər infrastruktur obyektlərin tikintisi daxildir”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
