Bakı Şopinq Festivalına (Baku Shopping Festival) daxil olan mağazalarda qiymətlər çox münasib, çeşid isə rəngarəngdir. Bunu www.bakushopfest.com saytına açıqlamasında Türkiyənin məşhur TV aparıcısı Özge Uzun deyib.
Festival çərçivəsində alış-veriş etdiyini söyləyən Özge Uzun böyük zövqlə bu həyəcanı yaşadığını dilə gətirib: “Türkiyədəki dostlarımı da Bakıya dəvət edirəm. Həm gəlib alış-veriş etsinlər, həm də Bakının gözəlliyini görsünlər”.
TV aparıcısı İstanbul Şopinq Festivalı kimi Bakıdakı festivalın da uğurlu olduğuna inanır: “Bir qədər də güclü tanıtım kampaniyası keçirilsə, məncə Bakı Şopinq Festivalı hətta, daha uğurlu ola bilər”.
Qeyd edək ki, uzun illər TV-də çalışan Özge Uzun 2007-ci ildə “Fox TV”də, daha sonra isə “CNN Türk” və “TRT Haber”də xəbərlər proqramının aparıcısı kimi çalışıb.
2015-ci ildə onun “Sizin hiç maviniz var mı?”, 2017-ci ildə isə “Kalbimin ses telleri” kitabları işıq üzü görüb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
