Bakı – APA. UEFA-nın 2018-ci ildən keçirməyə başlayacağı Millətlər Liqasında dəstələrin və səbətlərin ilkin tərkibi müəyyənləşib. Apasport.az saytının məlumatına görə, bu bölgü son 3 yarışın nəticələrinə əsasən aparılır.
DÇ-2014 ilə AVRO-2016-nın seçmə və final, DÇ-2018-in yalnız seçmə oyunlarına əsasən tərtib olunacaq siyahıda artıq liderlər və autsayderlər müəyyənləşib. AVRO-2016-nın final, DÇ-2018-in seçmə mərhələsi ərəfəsində qitənin 54 komandasının əmsallar üzrə cədvəli bəllidi.
Burada ilk 12 komanda A, ikinci “12-lik” B liqasında, 25-38-ci yerlər C, ən zəif 16 yığma D liqasına düşəcək. Hazırda 13941 xalla Avropanın 42-cisi olan Azərbaycan millisi ən aşağı dəstədə mübarizə aparmağa namizəddi.
Amma nisbətən yüksək mövqedə qərarlaşdığı üçün sonuncu 16 komanda səbətlərə bölünəndə yığmamız seçilmişlərdən olacaq. Belə ki, yarışın D liqasında çıxış edən komandalar 4 qrupa bölünməzdən öncə səbətlərə paylanılacaq. Hazıırkı durumda yığmamız Belarus, Estoniya və Gürcüstanla eyni səbətdədi.
D liqası
1-ci səbət
Belarus, Estoniya, Gürcüstan, Azərbaycan
2-ci səbət
Ermənistan, Latviya, Moldova, Makedoniya
3-cü səbət
Qazaxıstan, Lüksemburq, farer adaları, Lixtenşteyn
4-cü səbət
Malta, San-Marino, Andorra, Cəbəllütariq
Qeyd edək ki, səbətlərin və liqaların yekun siyahısı DÇ-2018-in seçmə mərhələsindən sonra açqılanacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
