Bakı. Fərahim Qasımov-APA. Qaradağ rayonunda qadın keçmiş həyat yoldaşı tərəfindən bıçaqlanıb. APA-nın hadisə rayonun Sahil qəsəbəsində qeydə alınıb. Qəsəbədə kirayə yaşayan 28 yaşlı Gülnar Zeynəddin qızı Abbasova bıçaq xəsarətləri ilə xəstəxanaya gətirilib. O, dərhal əməliyyat olunub. Həkimlər bıçaqlanan Gülnar Abbasovada döyülmə xəsarətlərinin də olduğunu deyiblər. Hadisə barədə polisə məlumat verilib. Əməliyyatdan sonra zərərçəkən Gülnar Abbasova dindirilib. Zərərçəkən polislərə bildirib ki, onu keçmiş həyat yoldaşı bıçaqlayıb. Belə ki, onun kirayə yaşadığı evə gələn keçmiş əri səbəbsiz yerə mübahisə etməyə başlayıb. Mübahisə zamanı əvvəlcə onu döyüb daha sonra isə bıçaqlayıb.
Faktla əlaqədar cinayət işi başlanıb. Hadisəni törətməkdə şübhəli bilinən şəxsin axtarışları davam edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
