Ağcabədi. Ziya Əmirxanlı - APA. Ağcabədi rayonunda bıçaqlanma hadisəsi qeydə alınıb.
Ağcabədi Mərkəzi Rayon Xəstəxanasından APA-nın Qarabağ bürosuna verilən xəbərə görə, Quliyev Anotoli Malik oğlu iki bıçaq yarası ilə xəstəxanaya gətirilib. Onun ağ ciyərinin zədələndiyi bildirilir.
Kəhrizli kənd sakini, 1970-ci il təvəllüdlü A. Quliyevin üzərində cərrahiyyə əməliyyatı aparılıb, vəziyyəti orta-ağırdır.
Ağcabədi rayon Polis Şöbəsindən APA-ya verilən xəbərə A. Quliyevi həyat yoldaşının qardaşı, 1985-ci il təvəllüdlü Allahverdiyev Mais Hüseynxan oğlu bıçaqlayıb. Ailə münaqişəsi zəminində yeznəsini bıçaqlayan qayın hadisə yerindən qaçıb. Hazırda polis onu axtarır.