SOCAR-ın mətbuat xidmətindən APA-ya verilən məlumatda deyilir ki, Türkiyənin bəzi media şəbəkələrində “Palmali Holding”in sahibi, azərbaycanlı iş adamı Mübariz Mənsimova məxsus “Palmarina”nın SOCAR tərəfindən alınması məqsədilə guya danışıqlar aparılması haqqında məlumatlar yayılıb.
"SOCAR-ın mətbuat xidməti bildirir ki, bu məlumat tam əsassızdır, hazırda şirkətimiz tərəfindən belə bir investisiya layihəsi nəzərdən keçirilmir, gündəliyimizdə belə bir məsələ yoxdur", - deyə məlumatda deyilir.
***
saat 16.14
Bakı. Vüsal Nəbiyev - APA-Economics. SOCAR azərbaycanlı iş adamı Mübariz Mənsimova məxsus "Palmali Holding"ə daxil olan "Palmarina"nı almaq üçün danışıqlar aparır.
"APA-Economics"in xəbərinə görə, bu barədə Türkiyənin "Finansgundem" nəşri yazır.
Nəşr iddia edir ki, danışıqlar müsbət məcrada davam edir.
Bildirilir ki, M. Mənsimov "Palmarina"nı 42 mln. dollara alıb. Lakin SOCAR-ın "Palmarina"nı hansı məbləğə əldə etmək istədiyi açıqlanmır.
Qeyd edək ki, "Palmarina" minlərlə yaxta qəbul etmək iqtidarında olan Türkiyədəki yeganə marinadır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
