Bakı. Aqşin Rafiqoğlu – APA-Economics. “Azərişıq” ASC-nin sədri Baba Rzayevin sədrliyi ilə 2015-ci ilin yekunları və 2016-cı ildə qarşıda duran vəzifələrə dair departament direktorları, İdarə və şöbə rəisləri, habelə Regional Enerji Təchizatı və Satışı İdarələri və onların strukturuna daxil olan rayon (şəhər) Elektrik Şəbəkələri rəislərinin iştirakı ilə toplantı keçirilib.
“Azərişıq”dan “APA-Economics”ə verilən məlumata görə, toplantıda 2015-ci il ərzində görülən quruculuq işlərindən danışılıb, 2016-cı ildə qarşıda duran vəzifələrdən və konkret görüləcək işlərdən söhbət açılıb.
Bildirib ki, dünyada baş verən qlobal iqtisadi böhran şəraitində ölkəmizdə quruculuq-abadlıq işlərinin, sosial layihələrin davam etdirilməsi prezident İlham Əliyevin rəhbərliyi ilə aparılan uğurlu iqtisadi siyasətin məntiqi nəticəsidir.
Qeyd edilib ki, bir dövlət qurumu olaraq “Azərişıq” da bu istiqamətdə öz üzərinə düşən vəzifələrin layiqincə yerinə yetirilməsi üçün təxirəsalınmaz və operativ tədbirlər həyata keçirir.
Daha sonra cəmiyyətin sədri toplantı iştirakçılarına ayrı-ayrılıqda tövsiyə və tapşırıqlarını verib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
