Bakı-APA. ABŞ Rusiyanı Suriyada tanklar yerləşdirməkdə günahlandırıb.
APA-nın “Gazeta.ru”-ya istinadən verdiyi məlumata görə, hərbi mənbələr Suriyada azı 6 Rusiyaya məxsus tankın yerləşdirildiyini bildirib.
Digər mənbəyə əsasən, Rusiyaya məxsus 7 ədəd Т-90 tankı və artilleriya qurğuları Latakya aerodromu yaxınlığında müşahidə edilib.
Qeyd edək ki, bundan əvvəl Rusiya müdafiə nazirliyi Suriyanın Latakya əyalətinə 80 ton humanitar yükün gətirilməsini təsdiqləmişdi.