Maliyyə

Ana səhifə

Maliyyə

Azərbaycan Mərkəzi Bankı restrukturizasiya olunmuş aktivlərin təsnifatını dəyişib

12 mart 2015 12:37 (UTC +04:00)

Bakı. Musa Əhmədov – APA-Economics. Azərbaycan Mərkəzi Bankı (AMB) restrukturizasiya olunmuş aktivlərin təsnifatını dəyişib.

“APA-Economics” xəbər verir ki, bu barədə məlumat AMB-nin saytında yerləşdirilib.

Məlumata görə, AMB-nin sədri Elman Rüstəmov “Aktivlərin təsnifləşdirilməsi və mümkün zərərlərin ödənilməsi üçün xüsusi ehtiyatların yaradılması Qaydaları”na müvafiq dəyişiklikləri təsdiq edib.

Dəyişikliyə əsasən, 2015-ci il fevralın 23-dək restrukturizasiya olunmuş aktivlər standart aktivlər kimi, 2015-ci il fevralın 23-dən restrukturizasiya olunmuş aktivlər isə qənaətbəxş aktivlər kimi təsnifləşdirilə bilməz.

Restrukturizasiya olunmuş aktiv - iqtisadi və (və ya) hüquqi şəraitin dəyişməsi, habelə borclunun maliyyə çətinliyi yaranması səbəbindən borc öhdəliyinin icrasını təmin etmək məqsədi ilə müqavilə şərtləri dəyişdirilmiş və ya yeni öhdəlik kimi rəsmiləşdirilmiş borc öhdəliyidir.

Restrukturizasiya olunduqdan sonra aktivin təsnifat kateqoriyasının

yaxşılaşdırılması yalnız aktivin əsas məbləğinin 50%-nin ödənilməsi və bu zaman əsas

məbləğ və ona hesablanmış faiz borcları üzrə öhdəliklərin vaxtında və tam həcmdə

icra olunması şərti ilə həyata keçirilir.

Gecikmə günləri Keyfiyyət Meyarları	0-30 gün	31-90 gün	91-180 gün	181-270 gün	271 gündən artıq
Yüksək	Qənaətbəxş	Nəzarət altında olan	Qeyri-qənaətbəxş	Təhlükəli	Ümidsiz
Orta	Nəzarət altında olan	Qeyri-qənaətbəxş	Təhlükəli	Ümidsiz	Ümidsiz
Aşağı	Qeyri-qənaətbəxş	Təhlükəli	Ümidsiz	Ümidsiz	Ümidsiz