Bakı. Ağa Cəfərli - APA. 2014-cü ildə müdafiə sənayesi sahəsində işləyənlərin sayı 5142 nəfər təşkil edib, onlardan 537 nəfəri kadr hazırlığı keçib.
APA-nın xəbərinə görə, bu barədə məlumat Nazirlər Kabinetinin 2014-cü ildə fəaliyyəti haqqında hesabatda əks olunub.
Yeni istehsal sahələrinin yaradılması hesabına 175 yeni iş yeri açılıb. İstehsal sahələrində çalışanların orta aylıq əmək haqqı 2013-cü illə müqayisədə 5 faiz artaraq 442 manat təşkil edib.
Müdafiə sənayesini yüksək ixtisaslı kadrlarla təmin etmək məqsədilə Azərbaycan Texniki Universitetində açılmış “Xüsusi texnika və texnologiyalar” fakültəsində hazırda 271 tələbə təhsil alır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
