Bakı. Aqşin Rafiqoğlu - APA. Azərbaycan prezidenti İlham Əliyevin Belarusa rəsmi səfəri nəzərdə tutulur.
Bunu Belarusun Azərbaycandakı səfiri Nikolay Patskeviç APA-ya açıqlamasında bildirib.
Onun sözlərinə görə, gələn ay martın 10-da Azərbaycan-Belarus Hökumətlərarası Komissiyanın iclası keçiriləcək: “Artıq komissiyanın iclası ilə bağlı proqram dəqiqləşdirilir. Belarus tərəfdən baş nazir Vladimir Semaşko, Azərbaycan tərəfdən isə baş nazirin müavini Yaqub Əyyubovun başçılıq etdiyi komissiya tərəfindən bir sıra məsələlər müzakirə olunacaq. Müzakirə olunacaq məsələlər arasında prezident İlham Əliyevin Belarusa səfəri zamanı imzalanacaq sənədlərin hazırlanması da var”.
N. Patskeviç deyib ki, səfərin vaxtı hələlik dəqiqləşdirilməyib: “Səfər ilin sonuna qədər baş tutacaq. Səfər zamanı bir çox müxtəlif sazişlərin imzalanması nəzərdə tutulur. İki ölkə arasında əməkdaşlığın bir sıra məsələləri müzakirə olunacaq. Komissiya gələn ay bu sənədlərin hazırlanması ilə bağlı iclasını təşkil edəcək”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
