Bu ilin yanvar-iyun ayları ərzində Azərbaycanda elektrik enerjisi, qaz və buxar istehsalı, bölüşdürülməsi və təchizatı sektorunda 846 mln. manat dəyərində məhsul istehsal olunub və xidmətlər göstərilib.
Dövlət Statistika Komitəsindən “APA-Economics”ə verilən məlumata görə, 2016-cı ilin 6 ayı ilə müqayisədə 0,9%-lik artım müşahidə olunub. Su təchizatı, tullantıların təmizlənməsi və emalı sektorunda istehsal edilmiş məhsulların həcmi 1,5% azalaraq 141 mln. manat təşkil edib.
Ötən 6 ay müddətində Azərbaycanda 11 199,6 mln. kVt/saat elektrik enerjisi istehsal edilib ki, bu da 2016-cı ilin 6 ayı ilə müqayisədə 2,2% çoxdur.
Bunun 1 055,9 kVt/saatı su elektrik stansiyalarının istehsalının payına düşür ki, bu da 2016-cı ilin 6 ayı ilə müqayisədə 1,4% azdır.
Bunun 9 648,3 kVt/saatı istilik elektrik stansiyalarının istehsalıdır ki, bu da 2016-cı ilin 5 ayı ilə müqayisədə 3% çoxdur.
Yarımillikdə Azərbaycanda 8 kVt/saat küləklə işləyən stansiyaların enerji istehsalı olub ki, bu da 2016-cı ilin 6 ayı ilə müqayisədə 13% azdır.
Cari il ərzində ölkədə 19,3 kVt/saat günəş enerjisi ilə işləyən stansiyaların istehsalı olub ki, bu da 2016-cı ilin 6 ayı ilə müqayisədə 18,9% azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
