Bu gün Bakı Ağır Cinayətlər Məhkəməsində dələduzluqda təqsirləndirilən Bənövşə Süleymanovanın cinayət işi üzrə məhkəmə prosesi davam etdirilib.
APA-nın xəbərinə görə, hakim Şəkər Məmmədovanın sədrliyi ilə keçirilən prosesdə şahidlər ifadə verib.
Elvin Babayev ifadəsində deyib ki, zərərçəkmiş Famil Şükürov ilə dost olub: "Famil Şükürov məndən borc pul istədi. Dedi ki, SOCAR-a işə düzəlmək üçün lazım olduğunu dedi. Mən də ona hissə-hissə 4 min manat pul verdim. 4 aydan sonra Famildən pulumu tələb edəndə, dedi ki, işi hələ alınmayıb. Sonra da məlum oldu ki, onun tanışını tutublar".
Proses avqustun 30-da davam etdiriləcək.
Qeyd edək ki, Bənövşə Süleymanova Azərbaycan Dövlət Neft Şirkətinin (SOCAR) əməkdaşı olub. O, vəzifə səlahiyyətlərindən istifadə edərək zərərçəkmiş Famil Şükürov, İlham Paşayev və digərlərinin etibarından sui-istifadə edib, onları SOCAR-ın müxtəlif idarələrində işə düzəldəcəyini deyib və ümumilikdə 100 min manata yaxın pullarını dələduzluq yolu ilə ələ keçirib.
Bənövşə Süleymanova Cinayət Məcəlləsinin 178.3.2-ci (külli miqdarda dələduzluq törətmək) maddəsi ilə ittiham edilir.
SOCAR-ın vətəndaşların 100 min manatını mənimsəyən əməkdaşının məhkəməsində şahid ifadə verib
23 avqust 2017 10:49 (UTC +04:00)
Hadisə
Bakıda gənc qızı avtomobil vurub
02:22
3 may 2024
Bakıda avtomobil qadını vuraraq ağır vəziyyətə salıb
01:17
3 may 2024
Gəncədə məktəbli bıçaqlanıb - YENİLƏNİB
20:22
2 may 2024
Hər ay paket olaraq verilən 15 min manatı maaş kimi almışam - Naxçıvanın sabiq maliyyə nazirinin məhkəməsi
19:25
2 may 2024