Bakı. Türbət Bağırova - APA. “Biz Demokratik Təsisatlar və İnsan Haqları Bürosu da daxil olmaqla, ATƏT institutları ilə dialoq, qarşılıqlı hörmət və ümumi maraqlar əsasında əməkdaşlığı davam etdirməyə hazırıq”.
APA-nın xəbərinə görə, bu barədə Azərbaycanın ATƏT yanında daimi nümayəndəliyinin qurumun Daimi Şurasının 1096 saylı iclasına ünvanlanan müraciətində deyilir.
“DTİHB ATƏT-in əsas orqanlarından biri olaraq öhdəliklərin həyata keçirilməsi ilə bağlı məsuliyyət daşıyır və mandatından irəli gələrək qərəzsizlik və peşəkarlıq prinsiplərinə hörmət etməlidir. Biz DTİHB-nin Azərbaycan Respublikası hökuməti ilə əsasən tolerantlıq və ayrı-seçkiliklə bağlı konstruktiv əməkdaşlıq istəklərini alqışlayırıq. Azərbaycan bu ilin sentyabrında DTİHB-nin fəaliyyətdə olan sədrliklə birgə keçirməyi planlaşdırdığı tolerantlıq və dinlərlərarası dialoqla bağlı birgə tədbirinə ev sahibliyi etməyə hazırlaşır və bu mənada DTİHB-ni dəstəkləməyə hazırdır”, - deyə bəyanatda bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
