APA-nın cənub bürosunun məlumatına görə, Lənkəran Şəhər İcra Hakimiyyətinin (ŞİH) təşkilatçılığı ilə keçirilən tədbirdə rayonun idarə, müəssisə və təşkilatlarının nümayəndələri, yubilyarın sənət dostları, mədəniyyət və incəsənət xadimləri iştirak ediblər. Mərasim aktyorun sənət fəaliyyətindən bəhs edən sənədli filmin nümayişi ilə başlanıb. Daha sonra Lənkəran ŞİH-nin başçısı Taleh Qaraşovun yubilyara ünvanlandığı təbrik məktubunun mətni oxunub. Teatrın direktoru Tofiq Heydərov, Hüseyn Ərəblinski adına Sumqayıt Musiqili Dram Teatrının direktoru İslam Həsənov, kinorejissor Sirac Mustafayev və digərləri çıxışlarında Əlibala Əsgərovun kamil sənətkar səviyyəsinə ucaldığını, onun aktyorluq sənətinin səhnəyə yenicə qədəm basmış gənclər üçün əsl sənət məktəbinin olduğunu bildiriblər.
Qeyd olunub ki, Əlibala Əsgərov Azərbaycan Mədəniyyət və İncəsənət Universitetini bitirdikdən sonra N.B.Vəzirov adına Lənkəran Dövlət Dram Teatrında aktyor kimi fəaliyyətə başlayıb. Aktyor bu sənət ocağının səhnəsində 50-dən çox tamaşada müxtəlif xarakterli rollar oynayıb.
Ə.Əsgərov həmçinin “Durnalar qayıdanda”, “Qəzan mübarək, “Paşam”, “Susmuş vicdan”, “Sevginin göz yaşı”, “Əli və Nino”, “Hörümçək toru” və digər bədii və televiziya filmlərində rollar yaradıb.
Sonda çıxış edən yubilyar bundan sonra da yüksək şövqlə səhnə fəaliyyətini davam etdirəcəyini bildirərək, tədbirin təşkilatçılarına minnətdarlığını çatdırıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
