Maliyyə

Ana səhifə

Maliyyə

«Bank Respublika» plastik kartlarının sayını 40 minə çatdırıb

19 avqust 2008 10:23 (UTC +04:00)

Bakı. Elnur Hüseynquluyev – APA-Economics. Azərbaycanın «Bank Respublika» Səhmdar Kommersiya Bankı (SKB) 40 mininci plastik kartının buraxılmasını qeyd edib. Bankın baş ofisindən «APA-Economics»ə verilən məlumata görə, 40 000-ci kartın sahibi bankın Nərimanov filialının müştərisi olub və bu münasibətlə həmin müştəriyə bankdan fəxri şəhadətnamə və hədiyyə verilib.
Qeyd edək ki, «Bank Respublika» müştərilərə «MasterCard» və «VISA» plastik kartlarını pulsuz və illik xidmət haqqı olmadan təklif edir. Kartlar üzrə girovsuz və zaminsiz 200 manatdan (dollar, avro) 5 000 manatadək məbləğdə 45 günədək faizsiz kredit xətti almaq imkanı da verir.
Xatırladaq ki, «Bank Respublika» SKB 1992-ci ildən fəaliyyət göstərir. Almaniyanın DEG İnvestisiya Korporasiyası və «Sparkassen International Development Trust» şirkəti 2005-ci ilin aprelindən bankın kapitalında «25%+1 səhm» iştirak payına sahibdir. Cari ilin iyul ayının 1-nə bankın aktivləri 330,7 mln. manat, kredit portfeli 221,6 mln. manat, depozit portfeli 138,6 mln. manat, məcmu kapitalı 34,1 mln. manat, nizamnamə kapitalı isə 12,6 mln. manat təşkil edib.