«APA-Economics»in sığorta şirkətlərinin daxilomalarının artım tempi üzrə hazırladığı renkinqə əsasən, sığorta şirkətləri sırasında haqlar üzrə ən yüksək artım tempi «Bakı Sığorta» şirkətinə məxsus olub. Belə ki, bu sığorta şirkətinin son bir il ərzində topladığı haqların həcmi 35 dəfə (3418,18%) artaraq 3,87 mln. manata çatıb.
Növbəti iki yeri «Star Alyans» (675%) və «Kavkaz Sığorta» (376%) şirkətləri tutub. Qeyd edək ki, bu üç sığorta şirkətinin daxilomalarının ümumi həcminin məcmu sığorta haqlarında xüsusi çəkisi 7,4%-ə bərabərdir.
Bununla yanaşı, renkinqdə 8 sığorta şirkətinin daxilolmalarında azalma müşahidə olunub. Ən yüksək azalma tempi «Əmrah Sığorta» şirkəti üzrə qeydə alınıb. Belə ki, bu şirkətin sığorta haqlarının həcmi son bir ildə təxminən 2 dəfə (90,91%) azalıb.
«Qarant Sığorta» sığorta şirkətinin daxilolmalarının artım tempinin qeydə alınmaması isə şirkətin 2007-ci ilin noyabrından fəaliyyətə başlaması ilə bağlıdır.
Xatırladaq ki, Azərbaycanda 28 sığorta şirkəti fəaliyyət göstərir və bunların məcmu nizamnamə kapitalı 77,678 mln. manat təşkil edir. Bu ilin birinci yarısında sığorta şirkətlərinin gəlirləri 133,295 mln. manat, xərcləri 120,365 mln. manat, mənfəəti isə 12,930 mln. manat olub. Sığorta təşkilatları tərəfindən bu ilin yanvar-iyun aylarında dövlət büdcəsinə 792,991 min manat həcmində vəsait ödənilib.
Aşağıda «APA-Economics»in sığorta şirkətlərinin haqlarının artım tempi üzrə tərtib etdiyi renkinq cədvəli göstərilir:
| Sığorta şirkətləri
| Artım/Azalma (% ilə)
|
1 | Bakı Sığorta | 3418,18% |
2 | Star Alyans | 675,00% |
3 | Kavkaz Sığorta | 376,32% |
4 | Fidan Sığorta | 280,00% |
5 | AzSığorta | 203,87% |
6 | Günay-Anadolu | 174,07% |
7 | Abşeron Sığorta | 166,67% |
8 | MBASK | 166,17% |
9 | Beynəlxalq Sığorta Şirkəti | 138,52% |
10 | BE&G | 104,88% |
11 | Paşa Sığorta | 75,82% |
12 | Nişan Sığorta | 66,67% |
13 | Xalq Sığorta | 64,44% |
14 | Azərbaycan Sənaye Sığorta | 48,53% |
15 | Standart İnsurance | 18,68% |
16 | Azərqarant | 18,60% |
17 | A-Group | 13,79% |
18 | Azərsığorta Dövlət Sığorta Kommersiya Şirkəti | 12,31% |
19 | Başak-İnam | 6,92% |
20 | Azal Sığorta | - 1,05% |
21 | Era Trans | - 4,90% |
22 | AtaSığorta | - 13,82% |
23 | AIG Caspian İnsurance Company | - 23,81% |
24 | Thames İnsurance Group | - 27,93% |
25 | Alfa Sığorta | - 41,43% |
26 | Atəşgah | - 41,82% |
27 | Əmrah Sığorta | - 90,91% |
28 | Qarant Sığorta | - |
Lisenziyası ləğv olunmuş sığorta təşkilatı | ||
1 | Azər-Asiya | - 77,08% |
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
