Maliyyə

Ana səhifə

Maliyyə

«Qafqaz İnkişaf Bankı»nın depozit portfeli son bir ildə 20% azalıb

23 aprel 2009 09:34 (UTC +04:00)

Bakı. Elnur Hüseynquluyev – APA-Economics. Azərbaycanın «Qafqaz İnkişaf Bankı» Səhmdar Kommersiya Bankının (SKB) aktivlərinin həcmi 2009-cu ilin aprel ayının 1-nə 32,012 mln. manat təşkil edib ki, bu da ötən ilin aprelin 1-nə olan analoji göstəricidən 0,5% çoxdur.
Bankın baş ofisindən «APA-Economics»ə verilən məlumata görə, hesabat dövründə bankın depozit portfeli 20% azalaraq 1,645 mln. manat, kredit portfeli 2,7% artaraq 27,419 mln. manat, o cümlədən istehlak kreditlərinin həcmi təxminən 2 dəfə artaraq 2,023 mln. manat olub.
Bu müddət ərzində bankın məcmu kapitalı 0,9% artaraq 9,923 mln. manat, o cümlədən nizamnamə kapitalı sabit qalaraq 10 mln. manat təşkil edib.
Qeyd edək ki, ötən ilin müvafiq dövrü ilə müqayisədə bankın gəlirləri 4 dəfə azalaraq 270 min manat, xərcləri isə 2,2 dəfə azalaraq 790 min manat olub. Nəticədə, bank cari ilin birinci rübünü 520 min manat zərərlə başa vurub.
Xatırladaq ki, təsisçisi Azərbaycan, ABŞ, Almaniya, Gürcüstan və Rusiya müəssisələri, bankları, təşkilatları və fiziki şəxslər olan «Qafqaz İnkişaf Bankı» 1996-cı ilin aprelində yaradılıb. Hazırda bankın respublika üzrə 2 filialı fəaliyyət göstərir. Cari ilin aprel ayının 1-nə bankın işçilərinin sayı 63 nəfər olub.