Maliyyə

Ana səhifə

Maliyyə

«Əmrahbank» yeni «Əməliyyat» filialını açıb (R)

«Əmrahbank» yeni «Əməliyyat» filialını açıb<font color=red> (R)</font>

27 aprel 2009 09:25 (UTC +04:00)

2009-cu ilin aprel ayında «Əmrahbank»ın yeni «Əməliyyat» filialı açılmışdır. Bu filial Bakı şəhərinin mərkəzi hissəsində, «Caspian Plaza» biznes mərkəzinin birinci mərtəbəsində yerləşir. Özünün yeni strategiyasına uyğun olaraq, «Əmrahbank» müştərilərinə baş ofis xidmət göstərməyəcək və baş ofis yalnız dəstək və köməkçilik funksiyalarını daşıyacaq. «Əməliyyat» filialı baş idarə ilə müştərilər arasında xidmət obyekti kimi vəzifə bölgüsünün dəqiq aparılması və «Əmrahbank»ın bütün hazırkı və gələcək müştərilərini keyfiyyətli xidmətlə təmin etmək məqsədilə yaradılmışdır. Baxmayaraq ki, «Əməliyyat» filialı tərəfindən xidmətlər həm korporativ müştərilərə, həm də vətəndaşlara təqdim olunur, əsas diqqət korporativ bankçılığa yönəldiləcək. Filialda korporativ müştərilərə onların tələbatına və fəaliyyətinə uyğunlaşdırılmış xidmətlər təqdim olunur, o cümlədən, kredit xətləri, əmək haqqı kartları, işçilər üçün kreditlər, layihələrin və ticarət fəaliyyətinin maliyyələşdirilməsi, sənədli əməliyyatlar, investisiyalar üzrə məsləhətçilik kimi məhsullar təklif edilir. Filialda həmçinin bir bankomat quraşdırılmışdır.

«Əmrahbank» Azərbaycanın ilk (1993-cü ildə təsis edilmişdir) və aparıcı kommersiya banklarındandır. Bank korporativ müştərilərə və fiziki şəxslərə geniş çeşidli bankçılıq məhsullarını təklif edir, məsələn, depozit hesablarının açılması, kreditlərin verilməsi, pul köçürmələri, sənədli əməliyyatlar, investisiyalar üzrə məsləhətçilik və s.
«Əmrahbank» Azərbaycan bankları arasında mənfəət səviyyəsi nöqteyi nəzərindən aparıcı yerlərdən birini tutan (31 dekabr 2008-ci il tarixinə kapitalın gəlirlik səviyyəsi üzrə ilk üçlükdə) və Azərbaycanın müxtəlif regionlarında ən geniş filiallar şəbəkəsinə malik olan banklardan biridir (31 dekabr 2008-ci il tarixinə filialların sayı üzrə ilk səkkizlikdə).

Bank müxtəlif ixtisaslaşmış təşkilatların, o cümlədən, Depozitlərin Sığortalanması Fondu, İpoteka Fondu, Sahibkarlığa Kömək Milli Fondu, Azərbaycan Banklar Assosiasiyası və s. təsisatların üzvüdür. Son zamanlar, Bəhreyndə yerləşən və Bankın nizamnamə kapitalının 49% səhmdarı olan «Beynəlxalq İnvestisiya Bankı» ilə yaradılmış strateji əməkdaşlıq əlaqələri «Əmrahbank» daxilində bir çox sahələrin, misal üçün korporativ idarəetmə, beynəlxalq əməkdaşlıq, məhsul və xidmətlərin çeşidi və keyfiyyəti və s. sahələrin inkişafında əsas rolu oynamışdır.