Maliyyə

Ana səhifə

Maliyyə

«Deka Bank» son bir ildə aktivlərini 24% artırıb

29 aprel 2009 11:35 (UTC +04:00)

Bakı. Elnur Hüseynquluyev - APA-Economics. Azərbaycanın «Deka Bank» Səhmdar Kommersiya Bankının (SKB) aktivlərinin həcmi 2009-cu ilin aprel ayının 1-nə 31,419 mln. manat təşkil edib ki, bu da ötən ilin aprelin 1-nə olan analoji göstərici ilə müqayisədə 24,3% çoxdur.
Bankın baş ofisindən «APA-Economics»ə verilən məlumata görə, hesabat dövründə bankın depozit portfeli 55% artaraq 8,067 mln. manata, kredit portfeli 38,2% artaraq 24,228 mln. manata, o cümlədən istehlak kreditlərinin həcmi 57,6% artaraq 9,100 mln. manata çatıb.
Həmçinin, bankın məcmu kapitalı 7,4% artaraq 12,131 mln. manat, o cümlədən nizamnamə kapitalı sabit qalaraq 9,594 mln. manat olub.
Qeyd edək ki, bu ilin yanvar-mart aylarında bankın gəlirləri ötən ilin müvafiq dövrü ilə müqayisədə 43,1% artaraq 1,982 mln. manat, xərcləri isə 66% artaraq 0,649 mln. manat təşkil edib. Nəticədə, son bir ildə bankın mənfəəti 34,2% artaraq 1,333 mln. manata çatıb.
Xatırladaq ki, «Deka Bank» SKB 1992-ci ildən fəaliyyət göstərir. Hazırda bankın respublika üzrə 6 filialı, 1 bankomatı və 13 POS-terminalı mövcuddur. Cari ilin aprelin 1-nə olan məlumata görə bankda 77 nəfər işçi çalışır.