Maliyyə

Ana səhifə

Maliyyə

Azərbaycandakı bank kredit təşkilatlarının aktivlər üzrə renkinqi

01 iyun 2009 08:06 (UTC +04:00)

Bakı. Elnur Hüseynquluyev – APA-Economics. Bu gündən etibarən «APA-Economics» Azərbaycanda fəaliyyət göstərən bank kredit təşkilatlarının 2009-cu ilin aprel ayının 1-nə müxtəlif maliyyə göstəriciləri üzrə renkinqlərin təqdim etməsinə başlayır.

Layihənin əsas məqsədi Azərbaycandakı bankların maliyyə-təsərrüfat fəaliyyəti və onun nəticələri haqqında ictimaiyyətin və potensial investorların məlumatlandırılmasıdır.

Layihənin ilk komponenti bankların aktivlər üzrə renkinqinin tərtib olunmasıdır. Aşağıdakı cədvəldə ölkədəki banklar 2009-cu il aprel ayının 1-nə olan aktivlərinin həcminə görə sıralanıb:

Banklar		Aktivlər (mln. AZN)
1	Azərbaycan Beynəlxalq Bankı	3 308,797
2	Bank Standard	539,286
3	Texnika Bank	431,483
4	Xalg Bank	386,153
5	UniBank	374,181
6	Kapital Bank	341,534
7	Nikoil Bank	289,249
8	Bank Respublika	274,978
9	AccessBank	229,790
10	Azerdemiryolbank	213,029
11	Paşa Bank	207,817
12	AGBank	204,767
13	Bank of Baku	166,348
14	AtaBank	153,350
15	Zamin Bank	136,403
16	Bank of Azerbaijan	117,086
17	Royal Bank of Baku	113,087
18	Yapı Kredi Bank Azerbaijan	112,096
19	Muğan Bank	108,783
20	Rabitabank	85,605
21	Turan Bank	80,563
22	Para Bank	71,411
23	Əmrahbank	61,442
24	Azərbaycan Sənaye Bankı	61,373
25	Kredo Bank	47,339
26	Bank Avrasiya	46,724
27	Azərnəqliyyatbank	46,420
28	Azər-Türk Bank	44,503
29	NBCBank	40,425
30	Atrabank	34,956
31	United Credit Bank	32,598
32	Qafqaz İnkişaf Bankı	32,012
33	Deka Bank	31,419
34	Debut Bank	30,636
35	Gəncə Bank	30,129
36	Melli İran Bankı Bakı	29,987
37	Günay Bank	28,580
38	Azərbaycan Kredit Bankı	27,405
39	Kövsər Bank	16,843
40	Azfinansbank	10,563

Cədvəldən göründüyü kimi, hazırda Azərbaycanda faktiki olaraq 46 bank kredit təşkilatı fəaliyyət göstərsə də, «APA-Economics»in renkinqində yalnız 40 bankın aktivləri əks olunub. Bu, digər bankların KİV-lə əməkdaşlıqdan imtina etməsi, maliyyə göstəricilərini təqdim etməməsi və digər subyektiv səbəblərlə bağlıdır.

Aktivlərin renkinqinə gəldikdə, gözlənildiyi kimi, ilk yeri Azərbaycan və regionun ən iri bank təşkilatı olan Azərbaycan Beynəlxalq Bankı (ABB) tutub.

Əsasən dövlət mülkiyyətində (50,2%) olan bu bankın aktivlərinin durmadan artması bankın inkişafı, filial şəbəkəsinin geniş olması, əsas dövlət qurumlarına xidmət göstərməsi və s. səbəblərlə əsaslandırılır. Bu gün Azərbaycanda yalnız ABB-nin aktivlərinin həcmi milyard manatla (təqribən 4,121 mlrd. ABŞ dolları) ölçülür.

Təqdiredici haldır ki, cədvəldə sonrakı iki yeri özəl bank təşkilatları - «Bank Standard», və «Texnika Bank» tutub. Bu isə Azərbaycanın qeyri-dövlət bank sektorunun dinamik inkişafından xəbər verir.

Cədvəldən göründüyü kimi, yalnız 12 bankın aktivlərinin həcmi 200 mln. manat (01.04.2009-cu il vəziyyətinə - 249,097 mln. ABŞ dolları), 19 bankın aktivləri 100 mln. manat həddini (124,549 mln. ABŞ dolları), daha 5 bankın aktivlərinin həcmi isə 50 mln. manat (62,274 mln. ABŞ dolları) həddini üstələyib.