Maliyyə

Ana səhifə

Maliyyə

Azərbaycandakı bankların nizamnamə kapitalı üzrə renkinqi

02 iyun 2009 08:42 (UTC +04:00)

Bakı. Elnur Hüseynquluyev – APA-Economics. Azərbaycanda fəaliyyət göstərən bank kredit təşkilatlarının 2009-cu ilin aprel ayının 1-nə müxtəlif maliyyə göstəriciləri üzrə renkinqlərinin hazırlanması layihəsi çərçivəsində «APA-Economics» bu dəfə bankların nizamnamə kapitalının həcminə görə sıralamasını təqdim edir.

Aşağıdakı cədvəldə ölkədəki bankların nizamnamə kapitalının 2009-cu il aprel ayının 1-nə olan həcmi barədə məlumat verilir:

Banklar		Nizamnamə kapitalı (Mln. AZN)
1	Azərbaycan Beynəlxalq Bankı	193,83
2	Paşa Bank	100,00
3	Bank Standard	64,56
4	Xalg Bank	53,55
5	YapıKredi Bank Azerbaijan	27,21
6	Texnikabank	26,91
7	Kapital Bank	24,00
8	Nikoil Bank	22,50
9	AccessBank	20,00
10	Bank Avrasiya	20,00
11	Royal Bank	19,91
12	Muğan Bank	18,00
13	Turan Bank	17,00
14	Bank of Azerbaijan	15,00
15	AGBank	15,00
16	AtaBank	15,00
17	UniBank	15,00
18	NBCBank	13,59
19	Azerdemiryolbank	13,40
20	Kredo Bank	13,04
21	Əmrahbank	12,82
22	Azərbaycan Sənaye Bankı	12,80
23	Bank Respublika	12,58
24	United Credit Bank	12,11
25	Zamin Bank	11,20
26	Günay Bank	10,89
27	Azərnəqliyyatbank	10,78
28	Atrabank	10,42
29	Azərbaycan Kredit Bankı	10,21
30	Para Bank	10,07
31	Kövsər Bank	10,02
32	Azfinansbank	10,00
33	Azər-Türk Bank	10,00
34	Qafqaz İnkişaf Bankı	10,00
35	Gəncə Bank	10,00
36	Melli İran Bankı Bakı	10,00
37	Deka Bank	9,59
38	Debut Bank	8,75
39	Rabitabank	8,50
40	Bank of Baku	6,80

Cədvəldən göründüyü kimi, hazırda Azərbaycanda faktiki olaraq 46 bank kredit təşkilatı fəaliyyət göstərsə də, «APA-Economics»in renkinqində yalnız 40 bankın göstəricisi əks olunub. Bu, digər bankların KİV-lə əməkdaşlıqdan imtina etməsi, maliyyə göstəricilərini təqdim etməməsi və digər subyektiv səbəblərlə bağlıdır.

Kapitallaşmanın səviyyəsinə gəldikdə, gözlənildiyi kimi, ilk yeri Azərbaycan və regionun ən iri bank təşkilatı olan Azərbaycan Beynəlxalq Bankı (ABB) tutub. Bu gün Azərbaycanda yalnız iki bankın - ABB və «Paşa Bank»ın nizamnamə kapitalının həcmi 100 mln. manat (124,548 mln. dollar) həddi keçib.

Cədvəldən göründüyü kimi, yalnız 4 bankın nizamnamə kapitalının həcmi 50 mln. manat həddini (62,274 mln. ABŞ dolları), daha 10 bankın kapitalı 20 mln. manat həddini (24,909 mln. ABŞ dolları) keçib.

Cədvəldə yalnız 4 bankın göstəricisi 10 mln. manat səviyyəsindən aşağıdır.