Maliyyə

Ana səhifə

Maliyyə

«Bank of Baku» «Qadınlar həftəsi» adlı yeni aksiyaya başlayır

02 mart 2010 10:58 (UTC +04:00)

Bakı. Elnur Hüseynquluyev - APA-Economics. Azərbaycanın «Bank of Baku» ASC 8 Mart - Beynəlxalq Qadınlar günü münasibətilə «Qadınlar həftəsi» adlı yeni aksiyaya başlayır.

Bankın baş ofisindən «APA-Economics»ə verilən məlumata görə, aksiya bu ilin mart ayının 8-13-dək bankın bütün filiallarında keçiriləcək.

Şərtlərə əsasən, həmin həftə ərzində «Bank of Baku»da minimum 500 manat (dollar və ya avro) əmanət yerləşdirən və ya bankda olan əmanətinə qeyd olunmuş məbləğdə vəsait əlavə edən bütün qadın əmanətçilərinə gözəl hədiyyələr təqdim olunacaq.

«Qadınlar həftəsi» kampaniyası çərçivəsində «Bank of Baku»nun hazırladığı supertəkliflərin siyahısını 4%-li güzəşt davam etdirir. Aksiya dövründə bankdan müəyyən istehlak krediti alan hər bir qadın müştəriyə elan olunmuş faiz dərəcəsindən 4% güzəşt ediləcək.

Bayram həftəsi ərzində «Bank of Baku»da hər bir sistem üzrə köçürmə və ödəniş əməliyyatı aparıldıqda, bankın təcili pul köçürmələr üzrə xanım müştərilərini də xüsusi sürpriz gözləyir.

Xatırladaq ki, «Bank of Baku» SKB 1994-cü ilin fevral ayında «Tuqay Bank» adı ilə fəaliyyətə başlayıb. Bankın təsisçiləri rolunda Türkiyənin «NAB Dış Ticarət» şirkəti və bir neçə yerli fiziki şəxs çıxış edir. Bankın ölkə üzrə 15 filialı mövcuddur.