Maliyyə

Ana səhifə

Maliyyə

Maliyyə Nazirliyi: Ötən il Azərbaycan dövlət büdcəsinin xərcləri 15% kəsirlə icra olunub

02 mart 2010 12:22 (UTC +04:00)

Bakı.Nicat Mustafayev – APA-Economics. Ötən il ərzində Azərbaycan dövlət büdcəsinin xərclərinin proqnozu 12,355 mlrd. manata qarşı 10,567 mlrd. manat və ya 85,5% səviyyəsində icra olunub ki, bu da 2008-ci ilin faktiki göstəricisi ilə müqayisədə 207,2 mln. manat və ya 1,9% azdır.

Maliyyə Nazirliyindən «APA-Economics»ə verilən məlumata görə, hesabat ilində ümumi dövlət xidmətlərinin xərcləri 757,8 mln. manat, müdafiə xərcləri 1 183,9 mln. manat, məhkəmə hakimiyyəti, hüquq-mühafizə və prokurorluq xərcləri 648,9 mln. manat təşkil edib ki, 2008-ci illə müqayisədə dövlət xidmətlərinin xərcləri 14,7%, məhkəmə hakimiyyəti, hüquq-mühafizə və prokurorluq xərcləri 21,5% artıb, müdafiə xərcləri isə 10,4% azalıb.

Ötən il ərzində təhsil xərcləri 1 147,9 mln. manat, səhiyyə xərcləri 402,4 mln. manat, sosial müdafiə və sosial təminat xərcləri 1 054,4 mln. manat, mədəniyyət, incəsənət, informasiya, bədən tərbiyəsi və digər kateqoriyalara aid edilməyən sahədə fəaliyyət xərcləri 158,3 mln. manat, mənzil və kommunal təsərrüfatı xərcləri isə 194,5 mln. manat təşkil edib. Nəticədə, sözügedən xərclər 2008-ci illə müqayisədə müvafiq olaraq 17,2%, 16,2%, 24,6%, 12,9% və 24,9% artıb.

Bundan başqa, 2009-cu ildə dövlət büdcəsindən kənd təsərrüfatı, meşə təsərrüfatı, balıqçılıq, ovçuluq və ətraf münitin mühafizəsinə 390,4 mln. manat, sənaye, tikinti və faydalı qazıntılara 3 567,3 mln. manat, nəqliyyat və rabitə sahələrinə 75,3 mln. manat, iqtisadi fəaliyyətə 146,3 mln. manat, əsas bölmələrə aid edilməyən xidmətlərə isə 839,6 mln. manat vəsait xərclənib. Nəticədə, kənd təsərrüfatı, meşə təsərrüfatı, balıqçılıq, ovçuluq və ətraf münitin mühafizəsi xərcləri 2008-ci illə müqayisədə 38,5%, iqtisadi fəaliyyət xərcləri isə 1,5% artıb. Sənaye, tikinti və faydalı qazıntılar xərcləri 16,3%, nəqliyyat və rabitə xərcləri 11,1%, əsas bölmələrə aid edilməyən xidmətlərə xərclər isə 15% azalıb.

Qeyd edək ki, ümumiyyətlə, 2009-cu ildə dövlət büdcəsinin gəlirləri 10 325,9 mln. manat, xərcləri isə 10 567,0 mln. manat təşkil edib. Nəticədə, dövlət büdcəsində 241,1 mln. manat həcmində kəsir yaranıb.