Maliyyə

Ana səhifə

Maliyyə

Azərbaycanın qiymətli kağızlar bazarında brokerlərin fevral renkinqinə «Respublika Invest» başçılıq edir

02 mart 2010 14:45 (UTC +04:00)

Bakı. Nicat Mustafayev – APA-Economics. Bu ilin fevral ayında Azərbaycanın qiymətli kağızlar bazarında (repo əməliyyatlar bazarı istisna olmaqla) brokerlərin renkinqinə göstərilmiş xidmətlərin həcminə görə «Respublika Invest» şirkəti başçılıq edir.

Bakı Fond Birjasından (BFB) «APA-Economics»ə verilən məlumata görə, şirkət 2 müştəriyə ümumi dəyəri 11 740 069,70 manatlıq broker xidmətləri göstərib. İkinci yeri 3 müştəriyə ümumilikdə 11 650 456,04 manatlıq broker xidmətləri göstərmiş «Caspian Financial Ltd.» tutub. Bu göstərici birinci yeri tutan brokerin göstəricisindən 89 613,66 manat azdır. Göstərilmiş broker xidmətlərinin həcminə görə üçüncü yerdə 6 809 306,68 manatla «BoB Broker» şirkəti qərarlaşıb.

Mövqe (fevral, 2010)	Mövqe (yanvar, 2010)	Brokerlər	Əqdlərin sayı	Müştərilərin sayı	Əməliyyatların həcmi (AZN)
1	1	Respublika Invest	8	2	11 740 069,70
2	2	Caspian Financial	5	3	11 650 456,04
3	4	BoB Broker	5	1	6 809 306,68
4	-	YapiKredi İnvest	2	1	5 631 569,00
5	5	Unicapital	1	1	4 000 000,00
6	3	Brokdil-Az	2	1	2 145 290,29
7	-	Standard Capital	2	1	1 311 484,13
8	6	Texnika Capital Management	1	1	1 000 199,76