Maliyyə

Ana səhifə

Maliyyə

«DəmirBank» plastik kart sahibləri üçün güzəşt proqramının əhatə dairəsini genişləndirir

08 aprel 2010 09:24 (UTC +04:00)

Bakı. Vahab Rzayev – APA-Economics. «DəmirBank» ASC-nin plastik kartlarının sahibləri «İdeal» ətriyyat mağazalar şəbəkəsində 5% həcmində endirimdən istifadə edə bilər. Bankdan «APA-Economics»ə verilən məlumata görə, «Kart sahiblərinə endirimlər» proqramı çərçivəsində müxtəlif ticarət və xidmət mərkəzlərində edilən endirimlər 2-15% arasında dəyişir.

Ölkədə fəaliyyət göstərən 23 müxtəlif xidmət və ticarət şirkətləri «DəmirBank»ın «Kart sahiblərinə endirimlər» proqramına qoşulub. Proqramda iştirak edən xidmət və ticarət məntəqələrinin ümumi sayı isə 31-dir.

«DəmirBank» hazırda plastik kartlar üzrə «5 manata» və «Pulsuz» kampaniyalarını keçirir ki, birincidə əsasən müştərilər yalnız 5 manat ödəməklə «VISA Classic» və «MasterCard Standard» kartlarını əldə edə bilər, «Pulsuz» kampaniyasına əsasən müştəri plastik kartı tam pulsuz əldə edə bilər, lakin bu halda kart hesabına zəruri məbləğdə ilkin mədaxil etməlidir.

Bundan əlavə, plastik kart üzrə 38 günədək faizsiz kredit xətti, kartın individual dizaynla sifarişi, kartın təcili sifarişi (Ekspress-Kart), bir kartdan digər karta vəsaitin dərhal köçürülməsi (Card-to-Card), əməliyyatlar haqqında SMS bildirişlərin mobil telefona alınması (SMS-Bankçılıq), Bankın saytı ilə kartla rabitə, kommunal və digər xidmətlərin/malların ödənişi və sair kimi xidmətlər təqdim edir.

«DəmirBank» plastik kart sahiblərinə ölkədə yeganə olan Telefon-Bankçılıq xidməti göstərir: plastik kart sahibləri sadəcə 149 nömrəsini yığmaqla «DəmirBank»ın «Telefon Məlumat Xidməti»nə zəng edərək kartla rabitə (Azercell, Bakcell, Nar Mobile) və kommunal xidmətlərin (işıq, qaz, su) ödənişini həyata keçirə bilər. «DəmirBank» həmçinin «Xaricdə təhsil alanlara pulsuz plastik kart» proqramını həyata keçirir.

Ölkənin ilk banklarından olan «DəmirBank» (əvvəlki «Azərdəmiryolbank») 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir.