Maliyyə

Ana səhifə

Maliyyə

Kreml Medvedev və Putinin gəlirlərini açıqlayıb

12 aprel 2010 12:20 (UTC +04:00)

Bakı - APA-Economics. Rusiya prezidenti Dmitri Medvedevin mətbuat xidməti ölkənin birinci şəxslərinin və onların ailə üzvlərinin 2009-cu il üçün gəlirlərini açıqlayıb.

“APA-Economics”in məlumatına görə, Rusiya prezidenti ötən il 3 335 281,39 rubl (təxminən 111 176 dollar) gəlir əldə edib.

Rusiyada 4700 kv. metrlik torpaq sahəsini icarəyə götürən D.Medvedevin 1948-ci il buraxılışlı QAZ 20 “Pobeda” maşını var. O, həyat yoldaşı Svetlana Medvedeva ilə sahəsi 367,8 kv. metr olan mənzilə malikdir.

Yerli bankların birində Rusiyanın birinci ledisinin hesabında 7 503,89 rubl (250 dollar) pulu var. O, 1999-cu il buraxılışlı “Walksfagen-Golg” avtomobili və 2 maşın saxlamaq üçün 32,5 kv. metrlik yerə də malikdir.

Rusiya prezidentinin azyaşlı oğlu İlya 2009-cu ildə heç bir gəlirə malik olmayıb. Banklarda hesabı və mülkiyyət xarakterli öhdəliyi də yoxdur.

Rusiyanın baş naziri Vladimir Putin ötən il 3 889 807 rubl (129 660 dollar) pul qazanıb. Onun 1500 kv. metr sahəsi olan fərdi yaşayış tikintisi üçün torpaq sahəsi, 2 mənzili, 18 kv. metrlik qarajı və ümumi dayanacaqda qarajı var. Bütün daşınmaz obyektlər Rusiya ərazisindədir.

Vladimir Putinin həyat yoldaşı Lyudmila Putinanın gəliri ötən il 582 rubl (19,4 dollar) təşkil edib.