Azərbaycan Mərkəzi Bankından «APA-Economics»ə verilən məlumata görə, bu göstərici əsasən ölkəyə cəlb olunmuş birbaşa investisiyalar və xarici kreditlər hesabına formalaşıb:
(mln. USD)
Cəlb olunan xarici kapitalın strukturu | ||
| 2009-cu il, 9 ay | 2010-cu il, 9 ay |
Birbaşa investisiyalar | 2 104,9 | 2 274,4 |
- neft-qaz sektoru | 1 583,0 | 1 754,7 |
- digər sektorlar | 521,9 | 519,7 |
Kreditlər və digər investisiyalar | 2 005,0 | 3 413,7 |
- dövlət təminatlı kreditlər | 431,7 | 499,1 |
- dövlət təminatlı olmayan kreditlər | 580,1 | 1 887,6 |
-- neft-qaz sektoru | 35,0 | 358,4 |
-- banklar | 396,8 | 1 336,2 |
-- digərləri | 148,3 | 193,0 |
- digər investisiyalar | 993,2 | 1 027,0 |
CƏMİ | 4 109,9 | 5 688,1 |
Mərkəzi Bankın tədiyə balansının şərhinə əsasən, birbaşa investisiyalar formasında xaricdən cəlb olunmuş sərmayələrin ümumi məbləği 2 274,4 mln. dollar olub ki, bu investisiyaların strukturunda neft-qaz sektorunun xüsusi çəkisi 77,1% təşkil edib.
Kreditlər və digər investisiyalar formasında cəlb olunmuş sərmayənin həcmi 1,7 dəfə, xarici kapitalın strukturunda xüsusi çəkisi isə 11 faiz bəndi artaraq 60% təşkil edib. Artım əsasən neft-qaz sektoru və banklar tərəfindən cəlb edilmiş kreditlər hesabına formalaşıb.
Tədiyə balansına əsasən, əvvəlki dövrlərdə cəlb olunmuş kreditlər üzrə hesabat dövründə 1 408,7 mln. dollar geri qaytarılıb. Qaytarılmış kreditlərin 56,5%-i (796,3 mln. dollar) bank sisteminin, 11,4%-i (160,2 mln. dollar) dövlət və dövlət təminatı əsasında cəlb olunmuş kreditlərin, 16,1%-i (226,3 mln. dollar) neft-qaz sektorunun, 16%-i (225,9 mln. dollar) isə digər müəssisələr və şirkətlərin payına düşüb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
