Maliyyə

Ana səhifə

Maliyyə

«Bank of Baku» növbəti «Nümunəvi Müştəri»sini mükafatlandırıb

11 mart 2011 13:46 (UTC +04:00)

Bakı. Elnur Hüseynquluyev – APA-Economics. Azərbaycanın «Bank of Baku» ASC «Nümunəvi Müştəri» adlı həvəsləndirici kampaniyasının VII uduş tirajını keçirib.

Bankın baş ofisindən «APA-Economics»ə verilən məlumata görə, Tiraj Komissiyası və bankın nümayəndələrinin iştirakı ilə keçirilən uduşda «Bank of Baku»da uduş gününədək aktiv istehlak krediti olan müsbət kredit tarixçəsinə malik 63 725 müştərinin xüsusi identifikasiya kodu iştirak edib. Tirajın nəticəsinə görə, Gəncə şəhərinin sakini Lətafət Məmmədova 1000 manatın qalibi olub.

Qeyd edək ki, əsas qaliblə yanaşı, bank 200 manat qazanan digər 5 qalib-müştərisini müəyyən edib.

Xatırladaq ki, «Nümunəvi Müştəri» kampaniyasına 2010-cu ilin avqustun 5-də start verilib və kampaniya bu ilin avqustun 5-dək davam edəcək. Kampaniyanın uduşları hər ayın ilk həftəsinin son iş gününə təsadüf edəcək. «Nümunəvi Müştəri» kampaniyası müştərilərin kredit üzrə borclarını vaxtında ödəmək motivasiyasını artırmağa yönəlmiş həvəsləndirici bir aksiyadır. Kampaniya başlanandan bankın artıq 7 nümunəvi müştərisinin hər biri 1000 manat, 35 müştərisinin hər biri isə «Bank of Baku»dan 200 manat məbləğində pul mükafatı qazanıb.

Qeyd edək ki, uduş fondunun ümumi məbləği 24 min manat təşkil edir.