Maliyyə

Ana səhifə

Maliyyə

Azərbaycanda bank kassa dövriyyəsi artıb

06 aprel 2011 13:40 (UTC +04:00)

Bakı. Vahab Rzayev – APA-Economics. Azərbaycan bank sistemində kassa dövriyyəsinin mədaxil hissəsi 2011-ci ilin yanvar-fevral aylarında 3 231,4 mln. manat, məxaric hissəsi isə 3 110,2 mln. manat təşkil edib. Azərbaycan Mərkəzi Bankından «APA-Economics»ə verilən məlumata görə, kassa dövriyyəsinin mədaxil hissəsi ötən ilin yanvar-fevral aylarına nisbətən 20,9%, məxaric isə 22% artıb.

Bu ilin il kiki ayının yekunlarına görə, bank kassa dövriyyəsində emissiya baş verməyib, əksinə, 108,1 mln. manat həcmində müsbət saldo yaranıb. Ötən ilin eyni dövrü ilə müqayisədə bu göstərici 29,6% azalıb.

Bank kassa dövriyyəsinin mədaxilinin əsas hissəsi bankların hüquqi və fiziki şəxslərlə maliyyə əməliyyatları üzrə daxilolmalarının payına düşür. Belə ki, bu mənbədən bank kassalarına 1 879,3 mln. manat və ya ümumi mədaxilin 58,1%-i daxil olub. Digər mənbələr sırasında hüquqi şəxslərdən daxilolmaları (794,1 mln. manat və ya 24,6%), fiziki şəxslərdən daxilolmaları (271,5 mln. manat və ya 8,4%) qeyd etmək olar.

Bank kassa dövriyyəsinin məxaric hissəsində isə hüquqi və fiziki şəxslərlə maliyyə əməliyyatları üzrə ödənişlər 1 013 mln. manat (32,6%), bankomatlara pul qoyuluşu 1 008,3 mln. manat (32,4%), hüquqi şəxslər və hüquqi şəxs yaratmadan sahibkarlıq fəaliyyəti həyata keçirən fiziki şəxslər üzrə ödənişlər isə 999,8 mln. manat (32,2%) təşkil edib.

Əvvəlki dövrdən qalan kassa qalığı nəzərə alınmaqla, 2011-ci ilin martın əvvəlinə bank kassa qalığı 213,7 mln. manat təşkil edib.