Maliyyə

Ana səhifə

Maliyyə

«Paşa Sığorta» şirkəti tender keçirir

14 aprel 2011 07:26 (UTC +04:00)

Bakı. Elnur Hüseynquluyev – APA-Economics. Azərbaycanın «Paşa Sığorta» ASC 15 avtomobildən ibarət xidməti avtoparkı üçün sığortaçının müəyyən edilib təyin olunması məqsədi ilə qiymət təklifi üzrə müsabiqə elan edib.

Şirkətin baş ofisindən «APA-Economics»ə verilən məlumata görə, sığortaçının seçilməsində əsas meyarlar qiymət və sığorta hadisələri zamanı müştəriyə göstərilə biləcək xidmətin keyfiyyətidir. Qiymət təklifinin verilməsi üçün son tarix aprel ayının 20-dir.

Xatırladaq ki, «Paşa Holding» Şirkətlər Qrupuna daxil olan «Paşa Sığorta» şirkəti 2006-cı ildən fəaliyyət göstərir. Cari ilin aprelin 1-nə şirkətin nizamnamə kapitalı 20 mln. manat, aktivləri isə 43 mln. manat olub. Hazırda şirkət 31 sığorta növü üzrə xidmət göstərir.