Maliyyə

Ana səhifə

Maliyyə

Azərbaycan parlamenti yeni Gömrük Məcəlləsinin layihəsinin II oxunuşda müzakirəsinə hazırlaşır

18 aprel 2011 11:58 (UTC +04:00)

APA-nın məlumatına görə, iqtisadi siyasət komitəsinin sədri Ziyad Səmədzadə bildirib ki, layihə millət vəkilləri və ayrı-ayrı mütəxəssislərin verdiyi təkliflər əsasında hazırlanıb. İkinci oxunuşda layihədən 10 maddə məcəllədən çıxarılıb.

Komitə sədri bildirib ki, Məcəllədə əksini tapan müddəalara əsasən, gömrük orqanları əməkdaşlarından daxil olan inzibati şikayətlərə ən uzağı 30 gün ərzində baxılmalıdır. Bundan başqa, Məcəllə qəbul olunduqdan sonra gömrük ödənişləri bundan sonra nəğd pul sistemi ilə deyil, ancaq plastik kartlar vasitəsi ilə aparılacaq.

Şikayətlərin 30 gün müddətində müəyyənləşdirilməsinə narazılığını bildirən iqtisadçı deputat Vahid Əhmədov isə deyib ki, müəyyən olunan bu vaxt kifayət qədər çoxdur və həmin müddətdə gömrükdən mal keçirən sahibkarlar çox əziyyət çəkə bilərlər.

Deputatların narazılığına aydınlıq gətirən Dövlət Gömrük Komitəsinin sədri Aydın Əliyev isə qeyd edib ki, 30 gün sadəcə qanunda göstərilən müddətdir. Komitənin Daxili təhqiqat İdarəsinə daxil olan şikayətlər maksimum 1 həftəyə araşdırılır.

Hüquq siyasəti və dövlət quruculuğu komitəsinin sədri Əli Hüseynli isə Gömrük Məcələsinin hər iki komitə tərəfindən kifayət qədər mükəmməl hazırlandığını vurğulayıb. Müzakirələrdən sonra layihə ikinci oxunuşda parlamentin növbəti iclasına tövsiyyə olunub.