Maliyyə

Ana səhifə

Maliyyə

Azərbaycan Asiya İnkişaf Bankının illlik toplantısında iştirak edəcək

18 aprel 2011 12:18 (UTC +04:00)

Bakı. Nicat Mustafayev – APA-Economics. Bu ilin mayın 3-6-da Hanoyda (Vyetnam) Asiya İnkişaf Bankının (AİB) illlik iclası keçiriləcək. Bu barədə «APA-Economics»ə AİB-in Bakı ofisindən məlumat verilib.

«Tədbirdə AİB-in üzv ölkələrinin nümayəndələri iştirak edəcəklər ki, Azərbaycanı bu iclasda Bankın Azərbaycan üzrə direktoru, ölkənin maliyyə naziri Samir Şərifovun başçılıq etdiyi nümayənədə heyəti təmsil edəcək», - deyə ofisdən bildirilib.

Toplantıda AİB-in ötən dövr ərzində regiondakı fəaliyyəti və gələcək planları, qlobal maliyyə böhranının Asiya reionuna təsiri və böhrandan sonrakı vəziyyət, Bankın Mərkəzi Asiya Regional İqtisadi Əməkdaşlıq Proqramı (CAREC) üzrə görəcəyi işlər və bu kimi digər məsələlər müzakirə olunacaq.

Qeyd edək ki, Azərbaycan 1999-cu ildən AİB-in üzvüdür. Hazırda CAREC çərçivəsində Azərbaycanda Yevlax-Gəncə və Qazax-Gürcüstan sərhədi avtomobil yollarının reabilitasiya və genişləndirilməsi, Dəmir Yolu Ticarəti və Daşımalara Dəstək layihələri, habelə «Şəhər su təchizatı və kanalizasiya Layihəsi», «Elektrik enerjisinin ötürülməsi sisteminin yaxşılaşdırılması Layihəsi», Gəncə dairəvi avtomobil yolunun tikintisi və digər layihələr maliyyələşdirilir.