Azərbaycan Mərkəzi Bankından “APA-Economics”ə verilən məlumata görə, yanvar-may aylarında pul kütləsi 5% artıb. Qeyd edək ki, M3 aqreqatının strukturuna banklardan kənarda nağd pullar, tələb olunanadək və müddətli əmanət və depozitlər daxildir.
Pul kütləsinin M2 aqreqatı (manat pul kütləsi) son bir ildə 30% artaraq 8 392,0 mln. manata çatıb:
(mln. man.)
| 01.06.10 | 01.01.11 | 01.06.11 |
M0(nağd pullar) | 4 543,5 | 5 455,8 | 5 610,3 |
M1(nağd pul, tələb olunanadək əmanət və depozitlər) | 5 439,8 | 6 718,9 | 6 833,6 |
M2(Nağd pul, tələb olunanadək və manatla müddətli əmanət və depozitlər) | 6 454,0 | 8 297,5 | 8 392,0 |
M3(nağd pul, tələb olunanadək və müddətli əmanət və depozitlər) | 8 929,8 | 10 527,5 | 11 056,1 |
Cari ilin iyunun 1-nə nağd pulun manat pul kütləsində (M2 aqreqatı) xüsusi çəkisi 66,9% təşkil edib ki, bu da ötən ilin müvafiq dövrün göstəricisindən 3,5 faiz bəndi azdır.
Qeyd edək ki, nağd vəsaitlərin xüsusi çəkisinin azalması makroiqtisadi və ödəmə sisteminin inkişafı baxımından müsbət haldır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
