Maliyyə

Ana səhifə

Maliyyə

Əfqanıstanda qəzaya uğrayan Azərbaycan təyyarəsində həlak olanların ailələrinə yaxın günlərdə sığorta ödənişi veriləcək

16 sentyabr 2011 13:26 (UTC +04:00)

Bunu «APA-Economics»ə açıqlamasında şirkətin İdarə Heyətinin sədri Niyazi İmanov bildirib.

N.İmanovun sözlərinə görə, aviaqəzada həlak olmuş vətəndaşlar haqqında ilkin sənədlər toplanaraq «İpək Yolu» sığorta şirkətinə təqdim olunub. Təqdim olunmuş sənədlər araşdırıldıqdan sonra sığorta ödənişlərinin verilməsinə başlanılacaq.

Qeyd edək ki, gəminin ekipaj üzvləri – tam heyət (9 nəfər) «Könüllü fərdi qəza sığortası» növü üzrə «İpək Yolu» sığorta (əvvəlki «Azal Sığorta») şirkəti tərəfindən sığortalanıb.

Azərbaycan vətəndaşı olan ekipaj üzvləri (5 nəfər) həmçinin «İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta» növü üzrə «Atəşgah Həyat Sığorta» şirkəti tərəfindən sığortalanıb.

Xatırladaq ki, Azərbaycanın «SilkWay» aviaşirkətinə məxsus «İl-76» təyyarəsi bu il iyulun 6-da (Bakı vaxtı ilə saat 02:10-da) Əfqanıstanın Baqram hava limanı yaxınlığında enməyə hazırlaşarkən təyyarə ilə rabitə ani olaraq kəsilib və radarlarda görüntüsü itib. Qəzanın səbəbləri dəqiq məlum deyil. Təyyarənin göyərtəsində olan 9 ekipaj üzvündən 4-nün həlak olduğu, qalanların isə itkin düşdüyü bildirilir.