Maliyyə

Ana səhifə

Maliyyə

Yunanıstanın yeni baş nazirinin adı açıqlanıb

10 noyabr 2011 15:33 (UTC +04:00)

“APA-Economics”in “Agence France-Presse”yə istinadən xəbərinə görə, Lukas Papademos hökumətə ən azı növbədənkənar seçkilərin keçiriləcəyi 19 fevral 2012-ci ilədək rəhbərlik edəcək.

AMB-də 2002-2010-cu illərdə çalışan yeni baş nazir 1994-2002-ci illərdə Yunanıstan Mərkəzi bankına rəhbərlik edib.

Xatırladaq ki, avrozonada böhran 2009-cu ildə Yunanıstandan başlayıb. Sonradan böhran İtaliya, İspaniya və Portuqaliyanı da əhatə edib. Avropa İttifaqının “zəif bəndi” sayılan Yunanıstanın özəl və milli kreditorlar qarşısında dövlət borcu hazırda 350 mlrd. avro təşkil etməklə Avropanın bütün vergi ödəyiciləri üçün ağır yükə çevrilib. Hesablamalara görə, hər bir avropalı dolayı yolla Afinaya 535 avro kömək edir. Aİ-nin son sammitində liderlər Yunanıstanın istiqrazlar üzrə borclarının 50% silinməsini, bankların restrukturizasiyasını və Avropa Maliyyə Sabitliyi Fondunun 2,5 dəfə artırılmasını qərara alıblar. Yunanıstanın baş naziri Georgios Papandreu bu tədbirlər paketini referenduma çıxarmaq istəsə də, sərt tənqidlər səbəbindən təklifini geri çəkib və istefaya getmək məcburiyyətində qalıb.