Maliyyə

Ana səhifə

Maliyyə

Azərbaycanın 2012-ci il dövlət büdcəsi layihəsi noyabrın 21-dən parlamentdə dörd gün müzakirə olunacaq

11 noyabr 2011 13:00 (UTC +04:00)

Bu barədə “APA-Economics”ə millət vəkili Zahid Oruc məlumat verib.

Z.Orucun sözlərinə görə, parlamentin büdcə layihəsinin müzakirəsinə həsr olunmuş dörd iclasının keçirilməsi nəzərdə tutulur.

Xatırladaq ki, 2012-ci il üçün dövlət büdcəsinin layihəsi parlamentə oktyabrın 24-də daxil olub.

Qeyd edək ki, 2012-ci il icmal büdcəsinin gəlirləri 16 436,4 mln. manat, xərcləri 16 984,4 mln. manat, kəsiri isə 548 mln. manat səviyyəsində nəzərdə tutulub. Gələn il ARDNF-dən daxilolmalar 9,9 mlrd. manat və ya ümumi büdcə daxilolmalarının 60,3%-ni, Vergilər Nazirliyindən 5,3 mlrd. manat (32,3%), Dövlət Gömrük Komitəsindən 1,2 mlrd. manat (7,3%) təşkil edəcəyi proqnozlaşdırılır. Digər daxilolmalar isə ümumi büdcə mədaxilinin 0,1%-ni təşkil edəcək.

Vergilər Nazirliyinin xətti ilə daxil olan ümumi vəsaitin 3,2 mlrd. manatı və ya 59,9%-i qeyri-neft sektorunun, 2,1 mlrd. manatı və ya 40%-i isə neft sektorunun payına düşəcək.

Dövlət Gömrük Komitəsinin xətti ilə təmin edilən vəsait 2011-ci ilin proqnozuna nisbətən 5,7% çox olacağı gözlənilir.

ARDNF-dən 2012-ci il ərzində dövlət büdcəsinə transfertlər cari ilin sonuna gözlənilən transfertlərin həcmindən 700 mln. manat və ya 7,6% çoxdur.