Maliyyə

Ana səhifə

Maliyyə

«YapıKredi Bank Azerbaijan»ın kredit portfeli son bir ildə 58% artıb

12 noyabr 2011 09:11 (UTC +04:00)

Bakı. Elnur Hüseynquluyev - APA-Economics. «YapıKredi Bank Azerbaijan» QSC-nin kredit portfeli 2011-ci ilin oktyabr ayının 1-nə 102,262 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 58% çoxdur.

Bankın baş ofisindən «APA-Economics»ə verilən məlumata görə, hesabat dövründə bankın 12 ayadək verdiyi kreditlər 2,2 dəfə artaraq 42,972 mln. manata, 12 aydan müddətə verilən kreditlər 27% artaraq 57,290 mln. manat, istehlak kreditləri 2,9 dəfə artaraq 12,707 mln. manata çatıb.

Bu dövr ərzində bankın öz proqramı vasitəsilə verdiyi ipoteka kreditlərinin həcmi 33,7% artaraq 511,32 min manat, vaxtı keçmiş kreditlərin həcmi isə 16,3% azalaraq 1,003 mln. manat təşkil edib.

Təhlil aparılan dövr ərzində bankın qiymətli kağızlar sahəsinə yatırdığı investisiyaların həcmi 28% azalaraq 12,665 mln. manat, xarici öhdəliklərin həcmi isə 19,673 mln. manat olub.

Xatırladaq ki, təsisçisi Türkiyənin «YapıKredi Bank» (99,8%), «YapıKredi Finansal Kiralama (0,1%) və «YapıKredi Yatırım Menkul Degerler A.Ş» (0,1%) olan «YapıKredi Bank Azərbaycan» 2000-ci ildən fəaliyyət göstərir. Bankın ölkə üzrə 8 filialı, 17 bankomatı və 135 POS-terminalı mövcuddur.