Maliyyə

Ana səhifə

Maliyyə

«AGBank» plastik kartlar üzrə yeni xidmətin tətbiqinə başlayıb

30 dekabr 2011 11:03 (UTC +04:00)

Bakı. Elnur Hüseynquluyev – APA-Economics. Azərbaycanın «Visa Infinite», «Visa Platinum» və «Visa Gold(Signature)» plastik kart müştəriləri «AGBank»ın təqdim etdiyi yeni «SpeedPass» xidmətindən yararlana biləcək. Bankın baş ofisindən «APA-Economics»ə verilən məlumata görə, «SpeedPass» xidməti sayəsində dünyanın ən çox gediş-gəlişinin olduğu hava limanında vaxta qənaət ediləcək, bütün formal proseduralardan diplomatik xətlə keçiləcək.

Bu xidmətlərə enişdən sonra, təyyarədən avtomobilin, taksinin qapısına qədər yola salma, uçuş öncəsi müşayiət etmə (avtomobildən təyyarəyə minənə qədər), hava limanındakı bütün formal proseduraları tez keçmə, növbə gözləməmə, sürücünün yanına qədər müşayiət daxildir.

Əgər bronlaşdırma xidmətin göstərilməsindən 48 saatdan tez edilirsə, müştəri müşayiət xidmətini vaxtında və dolğun alsın deyə, tələb olunan formal proseduraların həyata keçirilməsi üçün [email protected] ünvanına sorğu göndərməlidir.

Bu xidmətlər yalnız «Premium-Class» müştəriləri üçün nəzərdə tutulub. Bu xidmət müştərini rahat və sakit səyahətini təmin edəcək, növbələrdən azad edəcək və vaxta qənaət etdirəcək. Eyni zamanda dünyanın müxtəlif hava limanlarındakı VIP-lonjalarda müxtəlif imtiyazlarla təmin edəcək.

Bu xidmətdən yararlanmaq üçün, uçuşdan əvvəl www.airportspeedpass.com saytına daxil olaraq uçuş və enmə gününü, saatını, sərnişinlərin sayını və kart məlumatlarını daxil etmək kifayətdir. Sistem dünyanın hər bir hava limanında bu xidmətin qiyməti haqqında müştəriyə məlumat verəcək və 11%-lik endirim təqdim edəcək («Infınıte» kartının sahiblərinə 16% endirim verilir).