Maliyyə

Ana səhifə

Maliyyə

Azərbaycan Dövlət Gömrük Komitəsində kollegiya iclası keçirilib - FOTO - VİDEO

Azərbaycan Dövlət Gömrük Komitəsində kollegiya iclası keçirilib - <font color=red>FOTO - VİDEO</font>

25 yanvar 2012 11:04 (UTC +04:00)

«APA-Economics»in məlumatına görə, kollegiyada 2011-ci ilin yekunları və qarşıda duran vəzifələr, prezident İlham Əliyevin müvafiq sərəncamlarını icrası ilə bağlı fəaliyyət, DGK-nın inkişafına dair 2012-2016-cı illər üzrə Fəaliyyət Planı və digər məsələlər müzakirə olunub.

İclasda çıxış edən komitə sədri A.Əliyev 2011-ci ildə gömrük xidməti qarşısında duran vəzifələrin uğurla yerinə yetirildiyini bildirib. DGK sədrinin müavini Əsgər Abdullayev isə deyib ki, 2011-ci ildə komitə tərəfindən müxtəlif sənəd layihələri, o cümlədən Gömrük Məcəlləsinin tələblərindən irəli gələn 50-dən artıq normativ hüquqi sənədlərdən 26-sı hazırlanaraq razılaşdırılması üçün müvafiq dövlət orqanlarına təqdim edilib. Bəzi sənəd layihələri üzərində işlər artıq başa çatıb və onlar təsdiqlənmək üçün Nazirlər Kabinetinə təqdim edilib.

Ötən il gömrük sistemində əməliyyatların sadələşdirilməsi, gömrük nəzarətinin təkmilləşdirilməsi və proseslərin avtomatlaşdırılması sahəsində bir sıra yeniliklər tətbiq edilib. O cümlədən malların iki gömrük orqanı arasında daşınmasına nəzarətin gücləndirilməsi ilə bağlı qaydalar işlənib və mövqe təyin etmə sistemindən (GPS) istifadəyə başlanıb.

Gömrük orqanları tərəfindən 2011-ci ildə dövlət büdcəsinə gömrük vergi və yığımları şəklində 1 mlrd. 141,5 mln. manat vəsait köçürülərək, illik proqnozlara 100,1% əməl edilib. Toplanmış vəsaitlərin 73,1%-ni ƏDV, 20,2%-ni idxal rüsumu, 5,5%-ni aksizlər və s. təşkil edir. Bundan başqa, ötən il Azərbaycanın gömrük sərhədlərindən keçən xarici dövlətlərə məxsus avtonəqliyyat vasitələri üçün «İcazə» blanklarının verilməsindən 14 mln. manat dövlət rüsumu yığılaraq büdcəyə köçürülüb və bu sahədə proqnoza 134,3% əməl olunub.

Kollegiya iclasında qeyd olunub ki, ötən il təsdiq edilmiş qrafikə uyğun olaraq 13 gömrük orqanı və təşkilatının auditi aparılıb. Araşdırmalar nəticəsində 187 halda fiziki və hüquqi şəxslər tərəfindən büdcədən yayındırılmış ümumilikdə 2,8 mln. ABŞ dolları məbləğində idxal rüsumu və əlavə dəyər vergisi üzrə ödəmələrin, neft-qaz əməliyyatları üzrə 1,5 mln. manat, gömrük orqanlarında aparılmış audit yoxlamalar üzrə isə 61,8 min manatın vəsaitin bərpa olunması təmin edilib.