Maliyyə

Ana səhifə

Maliyyə

«Bank Standard» «Kartla ödə, «Apple» qazan!» aksiyasının I mərhələsinin qaliblərinin adlarını açıqlayıb

25 yanvar 2012 12:12 (UTC +04:00)

Bakı. Elnur Hüseynquluyev - APA-Economics. Azərbaycanın «Bank Standard»ın QSC-nin «Kartla ödə, «Apple» qazan!» aksiyasının I mərhələsinin qalibləri müəyyənləşib.

Bankın baş ofisindən «APA-Economics»ə verilən məlumata görə, lotereyanın qalibləri Gülnarə Seyidova, Elçin Quliyev, Elman Məmmədov, Lalə Hüseynova, Nəcməddin Sadıxov, Fuad Qarayev, Əhməd Əzizov, Elvin Heydərov, Məmməd Seyidov və Darling Loren Endryu olub. Qaliblərin hər birinə «MacBook Pro» noutbukları təqdim olunacaq.

Qaliblər öz uduşlarını təhvil almaq üçün tirajın keçirilmə tarixindən etibarən 90 iş günü ərzində bankın baş ofisinə (Bakı, Azərbaycan pr., 4) müraciət edə bilərlər.

Qeyd edək ki, «Kartla ödə, «Apple» qazan!» geniş həcmli aksiyası «Bank Standard» tərəfindən buraxılan kartların sahibləri üçün nəzərdə tutulub. Aksiya 4 mərhələdə keçirilir və 2012-ci ilin sentyabr ayının sonunadək davam edəcək. Bu mərhələlərin hər birində ardıcıl olaraq 10 ədəd «MacBook Pro» noutbuku, daha sonra 10 ədəd «i-Pad2» planşeti, 10 ədəd «i-Phone» mobil telefonu və nəhayət, 10 ədəd «MacBook Air» noutbuku oynanılır. Bu ilin yanvarın 1-dən mart ayının 31-dək davam edəcək aksiyanın növbəti, sayca II mərhələsinin uduş fondunu 10 ədəd «i-Pad2» planşeti təşkil edir.

Aksiyada iştirak etmək üçün bankın plastik kartı ilə POS-terminal, bankomat (ATM), habelə “Mobil Bank” xidməti vasitəsilə və ya İnternetdə ödəniş aparmaq lazımdır. Kartlar vasitəsilə ödənilən hər 10 şərti vahid (manat, dollar, funt və avro) kart sahibinə bir lotereya şansı qazandırır.