Maliyyə

Ana səhifə

Maliyyə

Azərbaycanda bankların minimum kapitalına tələbnamə 5 dəfə artırılır - CƏDVƏL

Azərbaycanda bankların minimum kapitalına tələbnamə 5 dəfə artırılır - <font color=red>CƏDVƏL</font>

03 avqust 2012 12:22 (UTC +04:00)

AMB-dən «APA-Economics»ə verilən məlumata görə, məcmu kapitalın minimum miqdarı üzrə yeni normativ 2014-cü ilin yanvarın 1-dən qüvvəyə minir.

Məlumatda deyilir ki, keçid müddəti banklara yeni kapital tələbinə uyğunlaşdırma strategiyalarının reallaşması üçün kifayət qədər vaxt verir və kapitallaşmanın tədricən həyata keçirilməsinə imkan yaradır. Aparılan təhlillər göstərir ki, bank sektorunun yeni kapital tələblərinə uyğunlaşma potensialı yüksəkdir.

Həmçinin bildirilir ki, yeni kapital tələblərinin tətbiqi Azərbaycan banklarının kapital mövqeyinin möhkəmləndirilməsi ilə yanaşı kapitalın keyfiyyətinin və maliyyə vasitəçiliyi effektivliyinin artırılması, bank sisteminin dayanaqlığının və maliyyə sabitliyinin daha da gücləndirilməsi ilə nəticələnəcək.

AMB-nin şərhində göstərilir ki, hazırda Azərbaycan bank sistemi inkişafının yeni mərhələsinə daxil olur. Bu mərhələdə maliyyə vasitəçiliyinin genişləndirilməsi, qlobal maliyyə bazarlarına inteqrasiya və bank xidmətlərinin yeni keyfiyyətini təmin etmək üçün bankların kapitallaşmasının davam etdirilməsi zəruridir.

Xatırladaq ki, hazırda fəaliyyətdə olan bankların məcmu kapitalının, habelə yeni yaradılan banklar üçün nizamnamə kapitalının minimum miqdarına tətbiq olunan tələbnamə 10 mln. manat təşkil edir.

Aşağıdakı cədvəldə «APA-Economics»in 2012-ci il aprelin 1-i vəziyyətinə ölkədəki bankların məcmu kapitalınin həcminə görə tərtib etdiyi renkinqin nəticələri təqdim olunur. Cədvəldən göründüyü kimi, Azərbaycanda fəaliyyət göstərən bankların 12-nin məcmu kapitalı artıq yeni tələbə cavab verir:

Banklar		Məcmu kapital (mln. AZN)
1	IBAR	419,286
2	Xalq Bank	176,203
3	PASHA Bank	150,237
4	Texnikabank	99,997
5	Access Bank	91,248
6	Kapital Bank	86,918
7	Expressbank	84,373
8	Bank of Baku	66,636
9	Bank Respublika	60,519
10	YapiKredi Bank Azerbaijan	58,324
11	Unibank	57,641
12	Demirbank	51,224
13	SW Bank	42,145
14	AGBank	35,484
15	Mugan Bank	34,251
16	Bank Nikoil	32,171
17	Atabank	30,424
18	Azerbaijan Senaye Bank	29,902
19	Zamin Bank	26,068
20	Turanbank	25,527
21	Bank of Azerbaijan	25,372
22	Kredobank	22,745
23	Bank Avrasiya	18,872
24	NBC Bank	18,421
25	Royal Bank	16,755
26	Rabitabank	16,166
27	Gandjabank	15,923
28	VTB Azerbaijan	14,981
29	Deka Bank	14,636
30	Kavkaz Inkishaf Bank	14,432
31	Parabank	13,850
32	United Credit Bank	13,582
33	Gunaybank	13,364
34	Azer-Turk Bank	13,227
35	Atrabank	11,457
36	Bank Standard*	-
37	Amrahbank*	-
38	Azerbaijan Kredit Bank*	-
39	AFB Bank*	-
40	Bank Milli Pakistan – Baku*	-
41	BTB Bank*	-
42	Euro Bank*	-
43	Nakhchivanbank*	-
44	Bank Melli Iran – Baku*	-